Аԥсны аԥхасҭа ҟазҵо ахәаҷақәа рнырҵәаразы аусқәа ҩаԥхьа ирыцырҵоит

© Sputnik / Томас ТхайцукАмармалташьтә пты
Амармалташьтә пты - Sputnik Аҧсны
Анапаҵаҩра
Аԥсны имҩаԥысраны иҟоуп амармалташь пты анырҵәаразы аусурақәа аҩбатәи ретап. Ахәаҷа ахыԥхьаӡара еиҳа ишмаҷхазгьы, макьаназы аԥырхага ҟанаҵоит. Аԥырхага ҟанаҵоит ҿыц ицәырҵыз америкатәи аԥарԥалыкьгьы.

Sputnik

Аԥсны Ақыҭанхамҩа аминистр ихаҭыԥуаҩ, апты напыла аизгаразы аԥарашәара иазку аусутә гәыԥ ахантәаҩы Артуш Сарибекиан иазгәеиҭеит 2019 шықәса рзы абри аус 7 миллион мааҭ аԥара шазоужьыз.

"Актәи аетап ҳахысит. Х-миллион мааҭк ахҭынҵоуп. Апты аӡынтәи ацәарахь ахы анархо жьҭаара-абҵара амзақәа рзы ҳусурақәа ирыцаҳҵоит. Ауснагӡатәқәа алҵшәа рымоуп. Апты ахыԥхьаӡара акыр еиҵоуп", - иҳәеит иара.

Аминистр ихаҭыԥуаҩ иазгәеиҭеит аԥара зегь ныхтәымхар шалшо иара ахыԥхьаӡара ахьеиҵахаз инамаданы.

Актәи аетап аан еизган х-тоннак рҟынӡа апты. Аҩбатәи аетап аан уиаҟара ҟалом ҳәа агәаанагара имоуп Сарибекиан.

Аԥсны Ақыҭанхамҩа аминистрра аҵиаақәа рыхьчараз аҳәынҭқарратә маҵзура аиҳабы Владимир Гьериа иҳәеит америкатәи аԥарԥалыкь Аԥсныҟа жәабаҟа шықәса раԥхьа ишаланагалаз. Амаҵзура абри аганахьала аԥышәа амоуп.

Амиран Какалиа - Sputnik Аҧсны
Арадио
Какалиа: сынтәа еиуеиԥшым ашәырхкқәа рыла аҽаҩра беиа ҳазыԥшуп

"Ииасыз ашықәс азы аԥарԥалыкь еиҭацәырҵит Гәдоуҭеи Гәылрыԥшьи араионқәа рҿы. Аԥарԥалыкь ашьҭамҭа шаацәырҵызҵәҟьа иқәгатәуп аҵлахәҭақәа рыԥҟаралеи рыбылралеи", - иҳәеит Гьериа.

Уажәазы иара убарҭам. Ахьҭақәа аныҟало аҽаҵәахуеит, акәтаӷь шьҭанаҵоит иҳәоит иара.

"Ҽааны аҭагылазаашьа шыҟалаша атәы макьана иҳаздырам, аҳауатә ҭагылазаашьа акыр иахьыԥшуп иара аҟазаареи аҟамзаареи. Аминистрра иаанахәеит инзырҵәаша ахәшә. Гәдоуҭа, Гәылрыԥшь, Аҟәа араионқәа рҿы 10-15 нызқь гектар адгьылқәа хәышәтәны ирхысит", - иҳәоит Гьериа.

Америкатәи аԥырԥалыкь Аԥсныҟа жәабаҟа шықәса раԥхьа иаланагалеит, аха иара аамҭа-аамҭала ахы цәырнагоит. Ирхәышәтәыз аҵлақәа рҟны уаҳа ицәырҵӡом.

Аӡын аныхьшәашәоу аԥарԥалыкь анырра ӷәӷәа анаҭоит.

Америкатәи аԥарԥалыкь 1960-тәи ашықәсқәа рзы Амшын еиқәа аԥшаҳәахьы иқәнагалеит. Иара аԥхасҭа рнаҭар алшоит 300 рҟынӡа ҵиаахк. Амармалташь пты акәзар, арахь иаанагеижьҭеи ԥшьбаҟа шықәса роуп иҵуа. Аԥхасҭа ӷәӷәа рнаҭоит ашәыр, ауҭраҭых.

Иара убас шәаԥхьар ҟалоит:

Ажәабжьқәа зегьы
0