АҞӘА, жьҭаара 17 – Sputnik. Аԥсны иҟоу Урыстәыла Аладатәи арратә база аруааи Аԥсны Атәылахьчара аминистрра аруааи ашьхара иаԥнуи амшын аԥшаҳәа иаԥнуи аҭыԥқәа рҿы "аӷа" ижәылара ааныркылеит ҳәа аанацҳауеит Аԥсны иҟоу Урыстәыла Аладатәи арратә база апресс-маҵзура.
Аҽазыҟаҵарақәа мҩаԥысуан аполигонқәа Ҵабали Нагвалоуи рҿы.
"Ажәылара мҩаԥызго "аӷа" иаанкылара мҩаԥган агаубицақәа Д-30, ареактивтә системақәа "Град", аминаршәгақәа "Сани" рхархәарала. Анапхгаратә пункт аҟынтәи иаарышьҭуаз акоординатақәа рыла ахысрақәа иаразнакы имҩаԥыргон артиллериатә хысгақәа рыла", - аҳәоит Аԥсны иҟоу Урыстәыла Аладатәи арратә база апресс-маҵзура адырраҭараҿы.
Иаарԥшыз ацәҟьарақәа ркоординатақәа рышьақәыргылара мҩаԥысуан иҟаҵәҟьоу аамҭа арежим ала. Хысрацыԥхьаӡа артиллеристцәа рҭыԥқәа рыԥсахуан.
Аицҽазыҟаҵара иалахәын зықьҩык рҟынӡа аррамаҵзурауаа.
150 ак арратә техника - атанкқәа Т-72Б3, акәылӡтәы транспортиорқәа, БТР-82АМ реиԥш иҟақәоу. Аҽазыҟаҵарақәа хыркәшахоит амчыбжь анҵәамҭазы.
Иара убас шәаԥхьар ҟалоит:
-
Урыстәылеи Аԥсныи рыруаа реицҽазыҟаҵарақәа мҩаԥыргоит
