АҞӘА, жьҭаара 17 - Sputnik. Украина аус аднаулоит абжьы аасҭа иласу аракета, уи алагьы иагәҭакуп Амшын еиқәа акваториа ахылаԥшра анапаҿы аагара ҳәа аҩуеит китаитәи аҭыжьымҭа Sohu.
"Аракета "Молния", ишырҳәо ала, еиҳарак иззырхоу Урыстәыла аҿагылароуп. Иара ацхыраарала Украина Амшын еиқәаҿы аҳра зуа атәыла аԥынгыла анаҭарц агәҭакуп", - аҳәоит адырраҭараҿы.
Аракета аконструкторцәа руаӡәк иазгәаҭарала, аракета Х-31-и "Молниеи" лшарала еиҟароуп, аха аҵыхәтәантәи аласра еиҳа еиҳауп, иара убасгьы ахара аԥырра алшоит.
Абжьы аасҭа иццаку аракета "Блискавка" ("Молния") амакет цәырган Киев имҩаԥысуаз ацәыргақәҵа "Оружие и безопасность – 2019" аҟны. Иара аус адырулон аконструктортә биуро "Южное" аҟазауаа.
КБ "Южное" ахаҭарнакцәа ражәақәа рыла, "Молния" аракетақәа хԥа – арадиолокациатә хы змоу, арадиолокациа иаҿагыло, акласс "адгьыл-аҳауа" иатәу – рылшарақәа еизакны иаиуеит.
Агазеҭ "Комсомольская правда" ахҳәааҟаҵаҩ, аполковник Виктор Баранец арадио Sputnik аефир аҿы дахцәажәеит аракета ҿыц.
"Урыстәыла Украина имҩаԥнаго аусурақәа ирышьклаԥшуеит. "Молния" аус шадыруло рбоит. Аха украинатәи аконструкторцәа рамбициатә хәшьарақәа аракета атехникатә ҟазшьа аасҭа маҷк еиҳауп", - иҳәеит Виктор Баранец.
Иара иазгәеиҭеит Урыстәыла иуникалу абџьар амоуп, Украина ацәыргақәҵаҿ иӡыргоу абџьар макьаназы баша ҽхәароуп ҳәа.
Иара убас шәаԥхьар ҟалоит:
-
Амшынеиқәатә флот аӷбақәа USNS Yuma мҩаԥыргоит
-
Украина урыстәылатәи атанкер ааннакылеит
