Макгрегор дзындаҭлараны дыҟоу ихьӡ иҳәеит

© AFP 2023 / Ethan MillerКонор Макгрегор
Конор Макгрегор - Sputnik Аҧсны
Анапаҵаҩра
Еицырдыруа ирландиатәи ақәԥаҩ, ММА алахәыла Конор Макгрегор UFC аҿы иқәгыларақәа мҩаԥысраны иҟоуп 2019 шықәса ԥхынҷкәынмзазы.

АҞӘА, жьҭаара 18 - Sputnik. Конор Макгрегор иазыԥхьагәеиҭоит UFC ачемпион, америкауаҩ Френк Едгар индаҭлара. Макгрегор абри атәы иҳәеит иофициалтә Twitter-аккаунт аҿы. Аҭакс Едгар иазгәеиҭеит уи дшақәшаҳаҭу.

Чествование Хабиба Нурмагомедова в Махачкале - Sputnik Аҧсны
UFC аиҳабы ирылеиҳәеит Нурмагомедов иқәырҵо ахараԥса заҟарахо атәы

Магрегор иара убасгьы UFC ахада Деин Уаит иахь аҳәара ҟаиҵеит аиԥылара еиҿикаарц. Аспортсмен игонорар агәыҳалалратә еиҿкаарақәа ишырхыиԥхьаӡало азгәеиҭеит.

31-шықәса зхыҵуа Конор Макгрегор аҵыхәтәнтәи иқәгылараан диндаҭлон урыстәылатәи аспортсмен Хабиб Нурмагомедов. Аԥшьбатәи араунд аан дагьиҵахеит.

Макгрегор MMA аҿы31-нтә дықәгылахьеит, 23-нтә иааира игахьеит, ԥшьынтә даҵахеит.

Ажәабжьқәа зегьы
0