АҞӘА, жьҭаара 22 – Sputnik, Бадри Есиава. Аԥснытәи аделегациа алахәхоит VI Жәларбжьаратәи атуристтә форум SIFT-2019 аҿы ҳәа Sputnik иазеиҭеиҳәеит Аԥсны акурортқәеи атуризми рминистр ихаҭыԥуаҩ Асҭамур Барцыц.
"Ҳара ари афорум ахь ҳцоит бжьацәажәарада, аиныррақәеи аизыҟазаашьақәеи шьақәҳаргыларц. Афорум аҵак ду амоуп атуризм аусхк аҟны аусутә еизыҟазаашьақәа раԥҵаразы", - азгәеиҭеит Барцыц.
Иара иҳәеит Аԥсны акурортқәеи атуризми рминистрра иазыԥхьагәанаҭеит афорум алахәылацәа рзы аӡыргара-рдырратә тур амҩаԥгара. Афорум аҭааҩцәа аҭаар рылшоит Риҵатәи амилаҭтә парки Афон Ҿыц аҳаԥи, атур хыркәшахоит Дәрыԥшь ақыҭан "аԥсуа еишәачара" амҩаԥгарала.
SIFT аналогиала аминистрра Аԥсны, 2020 шықәса жәабранымзазы афорум амҩаԥгара агәҭакуп.
"Афорум "Workshop" ахьӡуп. Ҳтәыла аҵакыраҿы еиқәшәоит аҳәаанырцәтәи атуроператорцәеи атурогентцәеи. Иеиҿкаахоит аусутә гәыԥқәа", - еиҭеиҳәоит Барцыц.
Жәларбжьаратәи атуристтә форум SIFT-2019 мҩаԥысуеит 2013 шықәса раахыс. Аԥсны уахь уажә ҩынтәуп инарыԥхьоижьҭеи. Сынтәа иара мҩаԥгахоит абҵара 20 - 22 рзы Гәыбаа адәаҿы.
