"Уанқәыԥшу, аҵара уанҭо, аҵарада иҿыцу акы уҭаххоит, улаԥшуа уалагоит. Ҳара зегьы алафҳәара аҵәылеибахра бзиа иаабон. Усҟан ари аус анагӡара акырӡа иманшәалан. Иара Аԥсны мацара акәым, аҳәаанырцәгьы ухы ԥушәар ауан, аха уигьы аҽазыҟаҵара бзиа аҭахын", - иҳәеит Хьиба.
Изыхҟьазеи алафҳәаҩ дызлаз агәыԥ КВН Иреиҳаӡоу алигахь изымнеиз, абри азы игәаанагара иҳәеит.
"Хаҭала ҳара ҳгәыԥ атәы уҳәозар, Нарҭаа ирышьҭанеиуаз ҳакәын, усҟан аҳәынҭқарраҿы иҟаз ааҭагылазаашьа даара иаҳнырит. Атәыла ахадас иҟаз Сергеи Багаԥшь иԥсҭазаара далҵит, ҳаргьы ҳгәы ақәымкәа ақәгыларахь ҳцеит, иҳашҭахыз еиԥш алҵшәагьы уамак ҳзаамырԥшит. Уи ашьҭахьгьы иацаҳҵап ҳҳәеит, аха аҭагылазаашьа аҽеиҭанакит, агәыԥ аҟынтә аҭаацәара иалалазгьы рацәаҩхеит, аҳәаанырцә лассы-лассы ацара злымшаз ҟалеит, алаф ҳәара зегьы бзиа иаҳбоит, аха иаргьы аамҭа рацәа аҭахуп", - ҳәа азгәеиҭеит Хьиба.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Цкәуа: КВН аԥсышәала ицәажәар, иахәаԥшуа рхыԥхьаӡара маҷхоит
-
Шәача имҩаԥысит КВН аушьҭымҭацәа реиԥылара
