АҞӘА, ԥхынҷкәын 11 - Sputnik, Бадри Есиава. Гагратәи атхеквондистцәа быжь-медалк ргеит урыстәылазегьтәи атурнир аҿы ҳәа Sputnik акорреспондент изеиҭеиҳәеит азыҟаҵаҩ Ҭемыр Барцыц.
Дара спарринги тули захьӡу ҩ-программак рҟны иқәгылеит. Актәи апрограммаҿ "ахьы" роуит Инал Смыр, Вероника Чакриан, Леонард Кериан, "араӡны" - Полина Ҷыҭанааԥҳа. Аҩбатәи апрограммаҿы – Гьаргь Ҷыҭанаа "араӡны" медал иоуит, Вероника Чакриан – "аџьаз", Леонард Кериан – "аџьаз".
"Аԥснынтәи зынӡа хәҩык аспортсменцәа ыҟан. Иреиҵбыз 10 шықәса ихыҵуан, иреиҳабыз – 15 шықәса. Хҩык азыҟаиҵон Нугзар Торчинава, ҩыџьа – сара", - иҳәеит Барцыц.
Иара иазгәеиҭеит ақәгыларақәа шыуадаҩыз. Изындаҭлоз акыр ишыӷәӷәаз. Аиааира агаразы ирылшо зегьы шрылдыршаз.
Урыстәыла, Аԥсны, Финлиандиа, Израиль, Белоруссиа рҟынтәи 2000-ҩык рҟынӡа аспортсменцәа злахәыз тхеквондо азы Иаарту урыстәылазегьтәи атурнир "Московский вызов 2019" мҩаԥысит ԥхынҷкәын 7 - 8 рзы ЦСКА аспорттә комплекс аҟны.
Иара убас шәаԥхьар ҟалоит:
-
Аишьцәа Ажьиаа: еиуеиԥшым аспорттә хкқәа рҟны ҳхы ԥаҳшәоит
-
Аԥснытәи аспортсменцәа Шәачантәи амедалқәа рыманы ихынҳәит
