АҞӘА, ԥхынҷкәын 16 – Sputnik. Ажурнал Time иалнакааит иреиӷьу агаджетқәа ареитинг аҭыжьымҭа асаит аҿы икьыԥхьуп.
"Аҵыхәтәантәи ажәашықәса рыҩныҵҟа ауааԥсыра рыбзазара акыр еиҭазкыз ахархәагақәа – асмартфонқәеи аԥырҩы дызмам аԥрыгақәеи инадыркны автомашьынақәа рҟынӡа иҭыжьу рацәоуп", - азгәеиҭоит аматериал автор.
Ареитинг аҟны аԥхьагылара аиуит апланшет Apple iPad.
Аҩбатәи аҭыԥ – автомашьына Tesla Model S. Ахԥатәи – акомпиутер маҷ Raspberry Pi.
Урҭ ирышьҭанеиуеит: амедиаплеер Google Chromcast, адрон DJI Phantom.
Асиа иара убасгьы ианылеит аплеер Amazon Echo, Apple Watch, Apple AirPods, Nintendo Switch.
