АҞӘА, ԥхынҷкәын 18 - Sputnik. Внуково иааныркылаз аметадон Таджикистанҟа иргарц акәын, ПРООН апрограмма аҳәаақәа ирҭагӡаны, аха адырранҵа иашамызт ҳәа аҳәамҭа ҟарҵеит ООН аҿы. Абри атәы аанацҳауеит РИА Новости.
Урыстәыла Афедералтә ҳазалхратә маҵзура адыррақәа рыла Германиантәи Таджикистанҟа зхы хаз анаркотикқәа рпартиа рбеит ԥхынҷкәын алагамҭазы. Ԥхынҷкәын 6 рзы "Внуково" аҳазалхырҭа ашьаус хацнаркит.
"79 310 доллар зыхәԥса наӡоз аметадон ВИЧ азыԥхьагәаҭаразы ПРООН апрограмма аҳәаақәа ирҭагӡаны Таджикистанҟа имҩаԥыргон. Иара хымԥадатәиуп анаркотикқәа здызкыло ауаа рзы", - иҳәеит ООН аҿиара Апрограмма ахаҭарнак.
Иара иажәақәа рыла аидара адырганҵа ҷыда иашамкәа иақәын.
