Ачԥҳа еиҭалҳәеит Ашықәс ҿыц ауха Аҟәа ахшараируҭаҿы ииз
"Ашықәс ҿыц ауха хә-ҩык ахшара иит, ԥшь-ҩык азӷабцәеи ҷкәына заҵәыки. Аӡӷабцәа риира аҭынчра иазкуп, ҳгәыӷуеит ус иагьыҟалоит ҳәа. Ахәыҷқәа ргәы бзиоуп, анацәагьы ус. Хә-ҩык рахьынтә х-ҩык аԥсацәоуп, аӡәы милаҭла доурысуп, егьы дермануп. Ахшараируҭаҿы дыҟан Аҟәа ақалақь ахада инапынҵақәа назыгӡо Кан Кәарҷиа. Ашықәс азы ииз раԥхьатәи ахәыҷы, уи х-кьылаки ҩышә грамми иҟаз аҭыпҳа Бганԥҳа лан лнапаҟны илыҭан шәнызқь мааҭ аԥара. Есышықәса Ашықәс ҿыц ауха ииз ахәыҷы ҳамҭала далыркаауеит, уи шьҭа ԥҟарак иаҩызахеит", - ҳәа лҳәеит Ачԥҳа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
