АҞӘА, ажьырныҳәа 9 — Sputnik. Тегеран икаҳаз украинатәи Boeing адгьыл ахь инеиаанӡа амцаа кхьан ҳәа азгәаҭоуп Иран аграждантә авиациа аҳасабырбаҿы ҳәа аанацҳауеит РИА Новости.
"Адгьыл аҟынтәи иубарҭан аҳаирплан амца ишамҽханакыз", - азгәаҭоуп адокумент аҿы.
Уи адагьы алаинер атраекториала иубарҭан аҳаирплан абаӷәазахь ахы шырхынҳәыз аха убри аан аекипаж шәарҭарак азы адырра ҟарымҵеит.
Ахаша ауха Украинатәи 45-ҩык аекспертцәа Иранҟа инеиит. Украина ахада Владимир Зеленски иажәақәа рыла урҭ ахҭыс аҭыԥ ахь инеиит.
Авиакатастрофа иахҟьаны иҭахеит 176 -ҩык: 167-ҩык Иран, Украина, Канада, Германиа, Швециа, Афганистан иртәылауаауп. Жәҩык аекипаж иалахәылацәан.
Заанаҵтәи аҭҵаарақәа рыла авариа ҟалеит арныҟәага аиқәымшәара иахырҟьаны.
