Ахада Иусбарҭа ахыбра аиҭашьақәыргылара иалагеит

© SputnikАхада Иусбарҭа ахыбра аиҭашьақәыргылара иалагеит
Ахада Иусбарҭа ахыбра аиҭашьақәыргылара иалагеит - Sputnik Аҧсны
Анапаҵаҩра
Ахада Иусбарҭа ажәлараан иӡыз аҳәынҭқарра ахада имчра атрибутқәа ԥшааны аҭыԥ ахь архынҳәра алыршахеит.

АҞӘА, ажьырныҳәа 11 – Sputnik. Ажьырныҳәа 9 рзы ажәылараан аԥхасҭа зыҭаз Ахада Иусбарҭа ахыбра аиҭашьақәыргылара иалагеит. Абри атәы иҳәеит аԥыза-министр Валери Бганба абрифинг аҿы.

"Ахыбра аԥхасҭа маҷымкәа иаҭоуп, ашәқәа, аԥенџьырқәа ԥҽуп, иааидкыланы аԥхасҭа амҽхак сызшәаҳәом, избанзар актәи аихагыла заҵәык ауп избахьоу. Аҩнуҵҟа иҟаз адокументқәа зегьы цифраркны иҟоуп, уи азы урҭ реиҭашьақәыргылара алшоит", - иҳәеит Бганба.

Уи адагьы Бганба иажәақәа рыла ажәылараан иӡыз ахада имчра атрибутқәа рырхынҳәра алыршоуп.

"Анцәа иџьшьаны, атрибутқәа зегь ырхынҳәуп. Схаҭа избеит урҭ аусбарҭахь ишнаргоз", - иҳәеит Бганба.

Уаанӡа, Атәыла ахада Иусбарҭа ажәлараан иҟаҵаз аԥхасҭа аӡәы аԥара ахишәаароуп, абри аус изыхәҭаны иҟоу аусбарҭақәа рнапы ианҵатәуп иҳәеит аԥыза-министр ихаҭыԥуаҩ Даур Аршба.

Ашәарҭадаратә хеилак амаӡаныҟәгаҩ Муҳамед Кьылба иҳәахьан аусбарҭаҿы ишырдыруа ахада Иусбарҭа акабинетқәа рышәқәа шыԥҽу, абџьар зыҩноу ауадагьы шаарту, абџьар шдәылгоу.

Акциа аиҿкааҩцәа ируаӡәку Ахра Аҩӡба уи иашам ҳәа ахиҳәааит. Иара иажәақәа рыла, дара ахыбра аныҩналоз, уи ауада ашә аартны иҭарцәны иҟан.

Иара убас шәаԥхьар ҟалоит:

Ажәабжьқәа зегьы
0