АҞӘА, ажьырныҳәа 11 - Sputnik, Бадри Есиава. Аԥсны ахада Иусбарҭаҿи Аминистрцәа реилазаара ахыбраҿи архивтә шәҟәқәа мыӡит ҳәа Sputnik иазеиҭеиҳәеит ареспубликатә архивтә усбарҭа аиҳабы Роман Ӷәынџьиа.
"Ҳара аҭагылазаашьа иаразнакы агәҭынчымра ҳазцәырнагеит. Аҳәынҭархив арыцҳара атәы бзианы иаҳнырхьан. Иахьа схаҭыԥуаҩ Аминистрцәа реилазаараҿы дыҟан. Уа агәра идыргеит адокументқәа кьыс рымам ҳәа" - иҳәеит иара.
Уаанӡа аԥыза-министр Валери Бганба аҳәамҭа ҟаиҵахьан Аминистрцәа реилазаара адокументациа оцифровка азууп, ԥырхага амоуит ҳәа.
Аҟәа аҿагыларатә акциа хацыркын ажьырныҳәа 9 рзы. Аԥхьа ауаа еизеит Аԥсуа драматә театр аҿаԥхьа. Акциа аиҿкааҩцәа иазгәарҭон абри аҩыза аҭагылазаашьахь икылызгаз аҵыхәтәантәи хәышықәса рыҩнуҵҟа иҟоу аҭагылазаашьа шакәу. Ауаа агәҭынчымра ду рнаҭоит ареспубликаҿы иҟоу акриминогентә ҭагылазаашьа. Аамҭақәак рышьҭахь ахада Иусбарҭа ахыбра аҿаԥхьаҟа ииасит. Амш акыр инеихьаны ахыбра иажәлеит, ашәқәеи аԥенџьырқәеи ҿыхуа.
Иара убас шәаԥхьар ҟалоит:
- Аиҿцәажәара ада ԥсыхәа ыҟам: аполитолог аԥснытәи акризис алҵшьазы
-
Габниа далацәажәоит алхра ҿыцқәа мҩаԥысраны ишыҟоу
