Аԥсыӡкра ҳәаақәызҵо азакәан иахьа уажәраанӡа иҟаӡам Аԥсны, Аминистрцәа реилазаара есышықәса ақәҵара аднакылоит аԥсыӡкра аԥҟарақәа рзы иҳәеит азиндырҩы Ҭемыр Голанӡиа. Иара иазгәеиҭеит азакәан акыр ишарманшәалоз аԥсыӡааглыхыҩцәа русура, иара убас, ахылаԥшра рызҭо аҳәынҭқарратә еилазаарақәа рыҟазаара.
"Ҳзауадқәа рзы аԥсыӡ зкуа аӷбақәа рхы иадырхәо акаҭа амшын аҵанӡа инеиӡом. Аӷбақәа анаалак акомиссиа иаднакылоит, уи иалоуп аекологцәа, аԥсуа аурыс ҳәаахьчыҩцәа, аҳазалхыҩцәа. Дара аӷбақәа ирҭаланы зегьынџьара игәарҭоит. Ҳзауадқәа рҟны аус здаҳуло акамшьиа ауп, уи ауп излыҵуа ашылеи ашшеи, даҽа ԥсыӡ хкык акәӡам",- иҳәеит Голанӡиа.
Иара убасгьы иазгәеиҭеит азауадқәа қьырала иаарго аҭырқәа ӷбақәа аԥсыӡ ҭыршьааит ҳәа иҟоу ацәажәарақәа иашам ҳәа.
"Аҭырқәцәа (аԥсыӡ зкуа аӷбақәа рҟны аус зуа-аред.) аус руеит март мзанӡа, акамшьиа акра аамҭа анынҵәалак ицоит. Аԥсыӡ аџьармыкьахь иназго, мамзар егьырҭ атәылақәа рахь изҭиуа рыӡбахә аҳәара ҳара иҳақәнагам. Иҟоуп ауаа аԥсыӡ ала аԥара зырҳауа, ҳара ҳахҭаркит дара рбизнес ҳахьаԥырхагоу азы. Ҳара (азауадқәа рзы аԥсыӡ зкуа- аред.) Гагра, Пицунда ҳаныҟам, аекологцәа цаны 8 нызқь метра акаҭа ҭыргеит аӡиасқәа амшын иахьалало. Убри аҭырқәа ӷбақәа неины иҭаргыланы ицама?", -ҳәа азҵаара ықәиргылеит Голанӡиа.
Иара убасгьы иҳәеит аԥсыӡ зкуа аӷбақәа ианреихсуа ахҭысқәа шыҟоу.
"Уажәааигәа аӷба еихсит. Уи аҟны 40 –ҩык ауаа ҭатәоуп. Анцәа иџьшьаны аӡәгьы иқәымшәеит. Ҵыԥхцәа 30-ҩык ақаԥданцәа еизаны ашәҟәы рыҩит апрокуратура ашҟа аӷбақәа иахьреихсуаз аҟынтә. Аԥшаҳәа аганахь ианнеиуаз иреихсуан Очамчыра араион аҟны. Сынтәа Гагра араион иреихсуа иалагеит. Ҽнак аӡә дыршьыр ауеит. Нас ҳара аинвестициақәа ҳҭахуп, ауаа ҳзаалар ҳҭахуп", - иҳәеит Голанӡиа.
Иара иазгәеиҭеит акамшьиа аус адызуло азауадқәа ашәахтәқәа маҷымкәа абиуџьет ишаларгало.
"Сынтәа ҳзауад 15 миллион мааҭ аҟара ашәахьеит аквота азы, аԥсыӡ шыла, ахәша анаҳҭилак иҵегьы ашәахтәқәа ҳшәоит", - иҳәеит Голанӡиа.
Шәазыӡырҩла арадио Sputnik Аԥсны аефир.
Иара убас шәаԥхьар ҟалоит:
- Какалиа: ҳәынҭқарраны ҳаныҟала - аԥсыӡкра иадҳәалоу анормақәа наҳагӡароуп
-
Ҷыҭанаа: аӷбақәа аҟәара 500 метра иазааигәаны аԥсыӡкра азин рымам
