АҞӘА, ажьырныҳәа 21– Sputnik. Иран иҭахаз украинатәи Boeing 737-800 кажьын акласс "адгьыл-аҳауа" иатәу аракетақәа ҩба ЗРК "Toр-M1" рыла. Ари адыррақәа арбоуп Иран аграждантә авиациа аиҿкаара "Международные авиалиний Украины" аҳаирплан акажьразы иҟанаҵаз аҳасабырба. Абри атәы аанацҳауеит РИА Новости.
Аракетақәа алаинер ишаахаз аиԥш иара аҳаракыра ацәыӡуа иалагеит. Ахҭыс аҭыԥ аман анхарҭатә раионқәа иахьрыҵаркуаз. Икаҳауаз аҳаирплан агәмырҿыӷьратә парк аҿы игылаз ԥынгылак иаахеит. Уи ашьҭахь амца акит.
"Украина жәларбжьаратәи авиацәаҳәақәа" иатәыз Киевҟа ицоз аҳаирплан Boeing 737-800 ахаша ашьыжь Тегерантәи аҳаиртә баӷәаза аҟынтәи ианышьҭыԥраа ашьҭахь хара имгакәа икаҳаит.
Ажьырныҳәа 11 рзы ирантәи аруаа ахҭыс рхахьы иргеит, аҳаирплан машәырны икаҳажьит ҳәа рҳәеит.
Иран аҿы ақәшаҳаҭхеит украинатәи аҳаирплан машәырла ишҭанархаз, "ауаҩытәыҩсатә гха" аҭыԥ шамоу. Абри атәы Twitter аҿы иҩит Иран ААР аминистр Џьавад Зариф.
"Угәы узырхьуа амш. Аҩнуҵҟатә ҭҵаарақәа заанаҵтәи рылкаақәа инарықәыршәаны ЕАА рыпровокациатә авантиуризм иахҟьаз акризис аамҭазы ауаҩытәыҩсатә гха арыцҳарахь икылнагеит", - иҩуеит аминистр.
Иара убас шәаԥхьар ҟалоит:
- Асоциалтә ҳа ахархәаҩ украинатәи алаинер акаҳара ҭихит
-
Тегерен украинатәи аҳаирплан акаҳара иахырҟьаны иаанкылоу ыҟоуп
