Микрофон  - Sputnik Аҧсны
Арадио

Коӷониа: аԥсшәа ззымдыруа Аԥсны ахадарахьы акандидат, сыбжьы исҭаӡом

© SputnikВалентин Когония
Валентин Когония - Sputnik Аҧсны
Анапаҵаҩра
НовостиTelegram
Алхратә комиссиа хадаҟны иаԥҵоу Алингвисттә комиссиа ахантәаҩы ихаҭыԥуаҩ, Аԥсуаҭҵааратә институт анаукатә усзуҩ хада Валентин Коӷониа еиҭеиҳәеит аҳәынҭқарра ахадарахьы акандидатцәа абызшәазы аԥышәара шарҭо атәы.
Коӷониа: аԥсшәа изымдыруазар Аԥсны ахадарахьы акандидат, сыбжьы исҭаӡом

Алхратә комиссиа хадаҟны иаԥҵоу Алингвисттә комиссиа аилатәара мҩаԥысит ажьырныҳәа 21 рзы.

"Аԥсны ахадарахьы зхы ықәзыргыло акандидат аԥсшәа идыруа- изымдыруа ашьақәыргыларазы аԥҟарақәа ыҟоуп. Иара иҳаилиркаауеит инысымҩа, аполитикатә текст, ажәабжьк ҳанизаԥхьалак иҩуеит, атекст даԥхьаны иаҳзеиҭеиҳәоит. Уи ашьҭахь аиҿцәажәара мҩаԥысуеит. Уи аҟны иааԥшуеит ҳкандидат усуратә бызшәаны аԥсшәа ахьынӡаимоу. Иаҳхысыз алхрақәа иаҳдырбеит аԥсшәа иахьынӡахәҭоу усуратә бызшәаны измам акандидатцәа рышҽықәдыргылаз, акомиссиа иахысит. Ус анакәха, ари иаҳнарбоит иҵегьы ишырӷәӷәатәу аҳәынҭқарратә бызшәа адырра", - иҳәеит Коӷониа.

Иара иазгәеиҭеит аԥсуа ҳәынҭқарра ахадас иҟаларц зҭаху ихатәы бызшәа бзианы идыруазароуп ҳәа.

"Сара бжьык сымоуп акомиссиа аҟны. Аԥсшәа аҳра амаиур Аԥсны, аԥсуа ҳәынҭқарра аргылара- хжьароуп, убри аҟынтә снапы урҵәиит ҳәа, абжьы исҭаӡом", - иҳәеит Коӷониа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

Ажәабжьқәа зегьы
0