АҞӘА, ажьырныҳәа 24 — Sputnik. Аԥсны иҟоу Урыстәыла Аладатәи арратә округ арратә базахь ҿыц арра инарыԥхьаз аихеихаԥсатә техника арныҟәаразы аҵаратә-ҽазыҟаҵарақәа мҩаԥыргеит. Уаанӡатәи адыррақәа рыла Аԥсны иҟоу Урыстәыла Аладатәи арратә округ арратә база атанкистцәа ииасыз ашықәс иаҿырԥшны атанкқәа рырныҟәареи ахысрақәа рымҩаԥгареи аҟны рдыррақәа 10% рыла ирыздырҳаит. Абри атәы аанацҳаит Аԥсны иҟоу Урыстәыла Аладатәи арратә округ Апресс-маҵзура.
"Ииасыз ашықәс аҩнуҵҟа Аԥсны иҟоу Урыстәыла Аладатәи арратә округ аррамаҵзурауаа руснагӡатәқәа рыҽрыладырхәит 1000-ҩык аррамаҵзурауаа, ахархәара рыҭан 60 рҟынӡа арратә техника, атанкқәа Т-72Б3 рыла ахысрақәа мҩаԥыргеит, убри аан инырхит 400 000 танктә снариад, аџьаԥҳаны. Уажәы имҩаԥааго аҵара-ҽазыҟаҵарақәа раан ҿыц арахь иааԥхьоу ашьха ӡиасқәа, ахаҳә еиҿажьрақәа, ақәҵәрырҭақәа рхысра рҽазыршәоит. Аҽазыҟаҵарақәа мҩаԥысуеит автодромқәеи атанкодромқәеи рҿы автомашьынақәа "КамАЗ", "УАЗ", "ГАЗ", акәылӡтәы транспортиорқәа БТР-82АМ, атанкқәа Т-72Б3 рыла", - аҳәоит адырраҭараҟны.
Аҽазыҟаҵарақәа мҩаԥысуеит Аԥсны иахьаҵанакуа иҟоу аполигонқәа Ҵабал, Нагвалоу, Гәдоуҭа, Адыгеиатәи аполигон Маикопски рҿы ҳәа аҳәоит адырраҭараҟны. 2020 шықәса лаҵарамзанӡа аҽазыҟаҵарақәа ирылахәхараны иҟоуп 800-ҩык инарзынаԥшуа аԥышәа змоуи арныҟәцаҩцәа ҿарацәеи, урҭ ирхысраны иҟоуп 50 нызқь километр амҩақәа.
Иара убас шәаԥхьар ҟалоит:
-
Аррамаҵзурауаа атанкқәа рырныҟәареи ахысрақәа рымҩаԥгареи аҟны рдыррақәа иаздырҳаит
