Афымцалашара арцәара иахҟьаны авирустә чымазарақәа рыҽдырҭбаауеит

© Sputnik / Александр Кряжев / Амедиаҵәахырҭахь аиасраЛекарственные препараты и градусник для измерения температуры
Лекарственные препараты и градусник для измерения температуры - Sputnik Аҧсны
Анапаҵаҩра
Ажьырныҳәа 27 инаркны Аԥсны араионқәа зегьы рыҟны ҩба-ҩба сааҭ афымцалашара дырцәо иалагеит. Уи зыдҳәалоу Џьуартәи аӡеизакырҭаҟны аӡы агхара иахьаҿу ауп.

АҞӘА, ажьырныҳәа 29 – Sputnik, Бадри Есиава. Ажьырныҳәа 27 инаркны Аԥсны араионқәа зегьы рыҟны аамҭа-аамҭала афымцалашара дырцәо иахьалагаз иахҟьаны ауааԥсыра авирустә чымазарақәа рызцәырҵра еиҳа еиҳахоит,абри аҩыза агәаанагара рымоуп амедицина аусзуҩцәа, лҳәеит Sputnik акорреспондент дзыҿцәажәаз Аԥсны асанитартә ҳақьым хада Лиудмила Скорик.

"Афымцалашара арцәараан аҩнқәа рҿы ихьшәашәарахоит, ауаа еиҳа ачымазарақәа рылаҽуеит. Ҳара зегьы ҽырԥхаганы иҳамоу афымцамлашароуп", - лҳәоит Скорик.

Ажьырныҳәа 27 инаркны Аԥсны араионқәа зегьы рыҟны аамҭа-аамҭала афымцалашара дырцәо иалагеит. Уи зыдҳәалоу Џьуартәи аӡеизакырҭаҟны аӡы агхара иахьаҿу ауп. АУН "Амшынеиқәафымцамч" афымцалашара арцәара аграфик рыланаҳәеит.

Грузино-абхазская граница - Sputnik Аҧсны
Егры аҳәааҿы аҿкычымазарақәа раԥырҟәҟәаразы апрофилактикатә усурақәа мҩаԥыргоит

Иахьазы Џьуартәи аӡеизакырҭаҿы аӡы аҩаӡара 445 метра роуп иҟоу. Аӡы аҩаӡара мышкы иалагӡаны метрак аҟынӡа илаҟәуеит. Аԥхьаӡарақәа рыла афымцалашара мышктәи ахархәара 4,5 миллион киловатт-сааҭ рҟынӡа еиҵатәымхар ма урыстәылантәи иаагамхар, жәабран 10-12 рзы астанциа аус амур ҟалоит, ма уахыки-ҽнаки рыҩнуҵҟа ҩба-хԥа сааҭ аус аулоит.

ЕгрыГЕС ахьыҟоу аҭыԥқәа рҿы ақәоура маҷуп. Иахьынӡаԥхарраз афымцамч ахархәара уахыки-ҽнаки рыла 8 - 8,5 миллион киловатт-сааҭ ыҟан. Ишаахьҭахаз, уи иацлеит.

Ажьырныҳәа 22 рзы Аԥсны Аекономика аминистрраҿы имҩаԥысит Аԥсны Аҳәынҭқарреи Урыстәылатәи Афедерациеи рыбжьара асоциал-економикатә зҵаарақәа рзы аусутә еилацәажәара.

Аԥсны Аекономика аминистр Адгәыр Арӡынба Нхыҵ Кавказ аусқәа рзы аминистр ихаҭыԥуаҩ Игор Кошин иԥылараан аӡынтәи аамҭазы афымцамч Урыстәылантәи Аԥсныҟа аашьҭра азҵаарагьы иалацәажәан. Ари азҵаара ацәырҵра адҳәалоуп Џьуартәи аӡеизакырҭаҿы аӡы алаҟәра.

Иара убас шәаԥхьар ҟалоит:

Ажәабжьқәа зегьы
0