АҞӘА, ажьырныҳәа 30 - Sputnik. Уаанӡа, ажьырныҳәа 24 рзы, 25 ҭоԥ асигарет зыҵкы иаҵаҵәахыз Аԥсны атәылауаҩԥҳәыс даҽазныкгьы аҳәааҟны дааныркылеит изакәанымкәа аҭаҭынаалҵ Аԥснынтәи Урыстәылаҟа иахьылгоз иахырҟьаны. Абри атәы аанацҳауеит Шәача аҳазалхратә усбарҭа апресс-маҵзура.
500 ҭоԥ ашәҟәы иҭагаламыз асигарет рыдырбалеит адәыӷба "Аҟәа-Москва" апассаџьырцәагьы.
Аҳазалхыҩцәа агәаҭара аныҟарҵоз адәыӷба авагон ашьҭаларҭақәа рҟны агәабанқәа рыҵаҟа ирыԥшааит 142 ҭоԥ асигарет, амҩатә чемаданқәа рҿгьы иара убасгьы ирбеит 198 ҭоԥ, аполиетилен иалхыз амакәан аҿы акәзар, иԥшаан 206 ҭоԥ асигареҭ.
Зынӡа иааидкыланы адәыӷба апассаџьырҳәсақәа хҩык ирыдбалан 546 ҭоԥ асигареҭ (109 200 цыра).
"Аԥсны атәылауаа ирҳәеит аалыҵ Аҟәа ақалақь аџьармыкьаҿы иаархәеит ҳәа, иазгәарҭеит аҳәаа аалыҵ ахыгараан аԥкырақәа шыҟоу шырзымдыруаз. Убри аан, урҭ руаӡәк ԥшьынтәуп дааныркылоижьҭеи абри аус азы", - ҳәа аанацҳауеит апресс-маҵзура адырраҭара.
Адырраҭараҿы иҳәоуп лара шлакәу ажьырныҳәа 24 рзы зыҵкы асигарет ҭоԥқәа аҵаҵәахны аҳәаа ахыгара зҽазызшәоз.
Аалыҵ ахәаахәҭратә експертизахь инашьҭуп.
Иара убас шәаԥхьар ҟалоит:
-
Адәыӷба "Аҟәа-Москва" аҿы 300 сигареҭ ҭоԥ закәаншьаҭада имҩаныргон
-
Ԥсоу иааныркылеит Урыстәылаҟа ииаргоз аҭаҭын аконтрабанда
