АҞӘА, ажьырныҳәа 31 – Sputnik. Адунеи аҟны зегь раасҭа ималуаҩу ҳәа иршьо Amazon ахада Џьефф Безос 25 минуҭ рыҩныҵҟа 13,2 миллиард доллар ирҳаит.
Абас ала 12% Amazon акциақәа змоу Безос имал 129,5 миллиард доллар рҟынӡа инаӡеит.
Bloomberg адыррақәа рыла ажьырныҳәа 30 рзы аилахәыра Amazon ахада Џьефф Безос имазара еизҳаит абиржаҿ иеилахәыра акциақәа рыхәԥса анышьҭыҵ ашьҭахь. Акциақәа рыхә 12% ишьҭыҵит. Amazon ахашәала 87,4 миллиард доллар артәоит, акциатә феида – 6,47 доллар.
Ажьырныҳәа аҽеиҩшамҭазы Forbes аверсиала Џьефф Безос мала иаԥигеит Louis Vuitton Moеt Hennessy ахада Бернар Арно. Усҟантәи аамҭазы Арно имал 117 миллиард доллар артәон. Уажәы, Amazon ахада ареитинг актәи ацәаҳәа деиҭазыхынҳәит.
