Хра злоу ахҭысқәа: Ахба асасааирҭақәа рҟны заанаҵы аҭыԥқәа раанкылара атәы
"Жьҭаарамзазы асасааирҭақәа рҟны заанаҵтәи аҭыԥқәа раанкылара рыларҳәоит аԥсшьаҩцәа радԥхьалара хархәагак аҳасабала, усҟан аԥхьатәи ашьаҿақәа ирылагоит, аиқәшаҳаҭрақәа рыбжьарҵоит атуроператорцәеи дареи. Асасааирҭақәа рҟны аҭыԥқәа 10-20 процент рҟынӡа рыхәқәа ирыгдырхоит. Атуроператорцәа роуп иаҳа ицәырызго 100 номерк инареиҳаны измоу асасааирҭақәа, насгьы дара ирымоуп рхатәы аҭиирҭа ҟәшақәа", - иҳәеит Ахба.
Иара иазгәеиҭеит заанаҵ аҭыԥқәа раанкылара арбагақәа имаӡоу аинформациа шакәу, аха убри аан атуроператорцәа рдыррақәа рыла уаанӡа иҟаз апозициақәа рҟны ҳшыҟоу, убасгьы бзиарас иадырбало - 2018 шықәсазы жьҭаарамзазы Аԥсны иадҵаалоз рхыԥхьаӡара уажәеиԥш ишыҟамыз.
Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
