Микрофон  - Sputnik Аҧсны
Арадио

Аҩӡба Польша аҭоурых аицакразы: аиаша рхәыҽуеит ҳәа иаҿуп, аха уи иадгыло рацәоуп

© Sputnik / Томас ТхайцукАслан Авидзба
Аслан Авидзба - Sputnik Аҧсны
Анапаҵаҩра
НовостиTelegram
Аҭоурыхтә ҭҵаарадыррақәа рдоктор Аслан Аҩӡба арадио Sputnik Аԥсны аефир аҿы Польша атәылауаа рыбжьара имҩаԥгаз аҭҵаарақәа алкаақәа рзыҟаиҵеит. Дара ирызҵаауан дарбан жәабран 1945 шықәса рзы Освенцим ахы иақәиҭызтәыз, насгьы иҭабуп ҳәарарҳәома Ар ҟаԥшь.
Аҩӡба Польша аҭоурых аицакразы: аиаша рхәыҽуеит ҳәа иаҿуп, аха уи иадгыло иаҳа ирацәоуп

Польша атәылауаа рыбжьаара аҭҵаара мҩаԥган. Иқәгылан ҩ-зҵаарак: Жәабран 1945 шықәсазы Польша ахы иақәиҭтәын Ар ҟаԥшьи Польшатәи аруааи рыбзоурала. Иҭабуп ҳәа рашәҳәома Ар ҟаԥшь? Аҩбатәи азҵаара - ажьырныҳәа 27 1945 шықәсазы Освенцим ахы иақәыиҭтәын. Шәгәаанагарала, дарбану уи ахы иақәиҭызтәыз? Аҭакқәа абас иҟалеит 73% ауаа Освенцим Ар ҟаԥшь ауп ахы иақәиҭызтәыз ҳәа рҳәеит. 65% иҭабуп ҳәа рарҳәоит Ар ҟаԥшь архәҭақәа Польша ахы иахьақәиҭыртәыз.

"Аҭоурых аиҭеиҩроуп изызку, аидеологиа рыԥсахуеит ҳәа иаҿуп, аха шьаҭанкыла иахьцалакгьы ирылымшеит. Зыӡбахә ҳәоу азҵаарақәа рҭакқәа рыла иубоит мраҭашәаратәи аидеологиа ҳәа ҳазҿу макьана анырра ӷәӷәа амоуп Польша, аха имҩаԥысыз аҭҵаарақәа рлыҵшәақәа рыла иаҳбоит макьана иахцалакгьы аҭоурых иаша аԥыжәара шамоу. Уи иаҳнарбоит иага аекономикала аполитикала Польша мраҭашәаратәи аидеологиа иадҳәалазаргьы, макьана инхо ауаа аҭоурых иаҳа излаиашо, ишыҟазҵәҟьа ала иаҳа иадгылоит. Ҳара иаҳдыруеит Асовет аамҭазы ашкол ҳанҭазгьы иаҳҵон, асовет ар аибашьцәа рацәыҩны иҭахеит Польша ахақәиҭтәраз, уи мчыла ирхәыҽуеит ҳәа иаҿуп, аха иахьцалакгьы аиаша, аибашьра аҭоурых иаша, иадгыло иаҳа ирацәоуп, зыӡбахә ҳамоу аҭакқәа анализ рзаҳуазар", - ҳәа еиҭеиҳәеит Аҩӡба.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы. 

Ажәабжьқәа зегьы
0