АҞӘА, жәабран 21 – Sputnik. Абомбакажьгақәа Су-24 Идлиб атеррористцәа ааха рырҭеит. Абри атәы аанацҳауеит РИА Новости.
Ажәылараан иҭархан танкк, БМПқәа фба, ахысгақәа зықәгылаз амашьынақәа хәба.
"Ацәгьоуратә еиҿкаарақәа Шьамтәыла агәы ралалара аԥырҟәҟәааразы Шьамтәыла анапхгара иҟарҵаз аҳәарала урыстәылатәи Су-24 рыла атеррористцәа амца рыжәҵан. Уи шьамтәылатәи ар атеррористцәа шьҭахьҟа рыԥхьацара алнаршеит", - аҳәоит адырраҭараҿы.
Уаанӡатәи адыррақәа рыла шьамтәылатәи ар апровинциа Идлиб иатәу ақалақь Саракибаҿ аҭырқә ар рыԥхьацара аҽазнашәеит.
Ажьырныҳәамзазы шьамтәылатәи ар Идлиби Алеппои иахьрыҵаркуаз ажәыларақәа мҩаԥыргеит, атеррористцәа есыҽны аҭынч уааԥсыра ирылахысуа иахьындырҵәоз иахырҟьаны.
Хымз рыҩныҵҟа Асад ир ахы иақәиҭыртәит 600 километр ԥшьыркца адгьылҵакыра, ақалақь Маарет-Нууман, амҩаду М5 Дамаск - Алеппо.
Иара убас шәаԥхьар ҟалоит:
- Ҭырқәтәыла алаҳәара ҟанаҵеит Идлиб арратә операциа ишазыхиоу азы
-
Шьамтәыла аҭырқәа ар ақалақь Телль- Абиад рымпыҵархалеит
