АҞӘА, жәабран 27 – Sputnik. Ақәыԥшцәа гәдоуҭатәи ршьапылампылтә команда "Риҵа" ашьапылампыл азы ахәыҷтәы-қәыԥштә турнир "Ааԥынтәи Ахраҿа Hopes Cup 2020" иалахәхоит ҳәа Sputnik иазааицҳаит акоманда азыҟаҵаҩ Рафик Багаҭелиа.
Аицлабрақәа мҩаԥысраны иҟоуп 2003 шықәса рзы ииз ақәыԥшцәа рыбжьара.
"Ҳаспортсменцәа атурнир ралахәхара дара рзы иԥышәахоит ҳәа иазысыԥхьаӡоит. Уажәы атурнир ҳҽазыҟаҳҵоит", - иҳәеит иара.
Ашьапылампыласыҩцәа ари атурнир аҿы ақәгылара аԥышәа роухьеит, гәдоуҭатәи акоманда изныкымкәа аиааирақәеи аԥхьахәқәеи анашьахахьеит ҳәа иҳәоит азыҟаҵаҩ.
Рафик Багаҭелиа иажәақәа рыла, арҭ рҩызцәа аицлабрақәа иаадырԥшуеит ашьапылампыл зыԥсҭазаара адызҳәало.
Атурнир иалахәуп аа-командак: Ростов-на-Дону Аолимпиатә резерв аспорттә школ, Шәачатәи акоманда "Интер", Воронежтәи акоманда "Чайка", "Энергомаш" (Белгород), аклуб "Сочи", Краснодартәи аспорттә школ, ашьапылампылтә клуб "Риҵа" (Гәдоуҭа).
Иара убас шәаԥхьар ҟалоит:
-
Багаҭелиа гәдоуҭатәи "Риҵа" азы: ахәыҷқәеи сареи ҳҳәоу еибыҭа аусура ҳаҿуп
-
Ашьапылампыл азы ачемпионат аҿы "Риҵа" "Гагра" иаԥнагеит
