Бганба Нургалиев ицхыраара даҳәеит Бжьаниа игәамбзиара инамаданы

© Foto / Алексей ДружининРашид Нургалиев
Рашид Нургалиев - Sputnik Аҧсны
Анапаҵаҩра
Yandex newsTelegram
Аԥсны ахада инапынҵақәа назыгӡои Урыстәыла Ашәарҭадаратә хеилак амаӡаныҟәгаҩ ихаҭыԥуаҩи ҭелла еицәажәеит Аслан Бжьаниа иаалырҟьаны Шәача ахәышәтәырҭа данҭашәаз ашьҭахь.

АҞӘА, хәажәкыра 2 - Sputnik. Аԥсны ахада инапынҵақәа назыгӡо Валери Бганба Урыстәыла Ашәарҭадаратә хеилак амаӡаныҟәгаҩ ихаҭыԥуаҩ Рашид Нургалиев ҭелла иҽимаидан, ахадарахьы акандидат иаалырҟьаны Шәачатәи ахәышәтәырҭа иҭашәара азҵаара далацәажәеит.

"Валери Бганба Рашид Нургалиев диҳәеит ацхыраара ҟарҵарц Урыстәыла Агәабзиарахьчара аминистрра аганахьала, иара убас Урыстәыла азинхьчаратә усбарҭақәа Бжьаниа игәамбзиара аҭагылазаашьақәа ашьаусҭҵааранӡатәи ргәаҭара амҩаԥгараҟны", - ҳәа аанацҳауеит Аԥсны Аминистрцәа реилазаара асаит.

Аԥсны ахадарахьы акандидат Аслан Бжьаниа иаалырҟьаны Шәачатәи ахәышәтәырҭақәа руак дҭашәеит хәажәкыра 2 рзы.Аҩнуҵҟатәи аусқәа рминистр Раули Смыр ишиҳәаз ала, уи иҭагылазаашьа уадаҩуп.

Бжьаниа асанитартә авиациа авертолиот ала Краснодартәи ахәышәтәырҭақәа руак ахь дыргеит. Уи игәамбзиара инамаданы ахада инапынҵақәа назыгӡо Валери Бганба Апрокурор хада напынҵас ииҭеит Бжьаниа иаалырҟьаны ахәышәтәырҭа дахьҭашәаз аҭагылазаашьақәа ҭиҵаарц.

Иара убас шәаԥхьар ҟалоит:

Ажәабжьқәа зегьы
0