АҞӘА, хәажәкыра 2 - Sputnik. Москва Sputnik Ҭырқәтәыла ажурналистцәа раанкылара агәҭынчымра азцәырнагоит ҳәа аанацҳауеит РИА Новости.
"Ҳара ҳаигәыӷуеит АИХқәа, Sputnik аиԥш иҟақәоу, рхаҭарнакцәа русура ԥкырак аиурым ҳәа, ари аҩыза аҭагылазаашьа аиԥш зеиԥшу ҟаларым ҳәа", - иҳәеит Урыстәыла ахада ипресс-маӡаныҟәгаҩ Дмитри Песков.
Sputnik Ҭырқәтәыла амаҵуҩцәа хҩык Анкара иахьынхоз жәабран 29 рзы идырым џьоукы анрықәла аполициа рахь иашшит, убри ашьҭахь урҭ рхабар ыӡит, аӡәгьы рыҽимардомызт. Ишеилкаахаз ала дара азинхьчаратә усбарҭақәа иааныркылан аҿахәҿыхрахь инаргеит. Апрокуратура дара цәгьара руны ирымбеит. Sputnik Ҭырқәтәыла аусзуҩцәа, амаҵзура ахада Махир Бозтепе дналаҵаны рхы иақәиҭыртәит.
Урыстәыла Адәныҟатәи аусқәа рминистрра ари ахҭыс азхьаԥшра анаҭеит, Ҭырқәтәыла аиҳабыра рахь ааԥхьара ҟарҵеит аҭагылазашьа рхы аларгаларц, урыстәылатәи АИХқәа ршәарҭадара иахылаԥшларц.
Иара убас шәаԥхьар ҟалоит:
-
Урыстәылатәи ажурналистцәа ПАСЕ Sputnik Естониа иарҭо ақәыӷәӷәара атәы еиҭарҳәеит
-
Литватәи адепутатцәа Sputnik иаҿагылоуп
