АҞӘА, хәажәкыра 18 - Sputnik. Европатәи ашьапылампылтә ассоциациақәа Рхеилак арзаҳал инақәыршәаны, сынтәатәи аԥхынразы имҩаԥысраны иҟаз Европа ачемпионат ииагахоит 2021 шықәса аԥхынрахьы акоронавирус иахырҟьаны.
Уаанӡа акоронавирус иахырҟьаны иаанкылан Англиа, Италиа, Испаниа, Франциа, Германиа, Португалиа, Нидерланды уҳәа Европа атәылақәа рчемпионаттә хәмаррақәа.
ЕВРО-2020 мҩаԥысраны иҟан рашәара 12 - ԥхынгәы 12 рыбжьара Европа ақалақьқәа 12 рҟны, Римгьы убрахь иналаҵаны.
Агәабзиарахьчаразы адунеизегьтәи аиҿкаара хәажәкыра 11 рзы акоронавирус COVID-19 пандемиоуп ҳәа аҳәамҭа ҟанаҵеит.
Иара убас шәаԥхьар ҟалоит:
- 500-ҩык рҟынӡа аҳәаанырцәуаа Аԥсны ралалара ԥкуп
