Аминистрцәа реилазаара афымцатә ҳақәа рҿаԥшьразы атарифқәа ирыхәаԥшит

© Sputnik / Томас ТхайцукЛампочки
Лампочки  - Sputnik Аҧсны
Анапаҵаҩра
Аԥҟара ҿыцқәа инарықәыршәаны 10 киловаттк рҟынӡа амчхара змоу аҿаԥшьраан аҿаԥшьра хәыда-ԥсадахоит. Аиурист хаҿқәеи ахатәхаҿқәеи, 10 инаркны 30 киловатт рҟынӡа амчхара змоу ахархәага аҿаԥшьра анымҩаԥырго ахә ршәароуп.

АҞӘА, хәажәкыра 19– Sputnik, Сариа Кәарцхьиаԥҳа. Аԥсны Аминистрцәа реилазаара ишьақәнаргылеит атәыла аенергосистема аихшаратә цәаҳәақәа рҿаԥшьразы аԥҟара ҿыцқәа. Урҭ инарықәыршәаны 10 киловаттк рҟынӡа амчхара змоу аҿаԥшьраан аҿаԥшьра хәыда-ԥсадахоит. Аиурист хаҿқәеи ахатәхаҿқәеи, 10 инаркны 30 киловатт рҟынӡа амчхара змоу ахархәага аҿаԥшьра анымҩаԥырго ахә ршәароуп.

"Асеиԥш аӡбра ҳадаҳкылеит ауаа рзы ауадаҩрақәа раԥыхразы. Акызаҵәык ихымԥадатәиу – аԥхьаӡараҳасабга (асчиотчик) амазаароуп", - иҳәеит Аԥсны аԥыза-министр иабжьгаҩ Лаша Цаава

Аиурист хаҿқәеи ахатәхаҿқәеи, 10 инаркны 30 киловатт рҟынӡа амчхара змоу ахархәага аҿаԥшьра анымҩаԥырго ахә ршәароуп, аха убри аан иазыԥхьагәаҭоуп азин иоурази аԥарашәарази арԥсыҽрақәа, уи азы ақьаад рацәа реизгара аҭаххом.

"Абонентцәа, 30 киловатт еиҳаны зхы иазырхәо рзы еиҳа инарҭбааны ашәҟәқәа еизгатәхоит. Иаҭаххоит атехникатә хылаԥшра, афымцатә хылаԥшра аусбарҭақәа рҟынтәи азин аобиект шшәарҭадо азы", - иҳәоит Цаава.

Ауаа рырманшәаларазы иеиҿкаахоит азыҳәақәа хьрыдыркыло ҭыԥк.

"Амшынеиқәафымцамч" аҿы аусура иалагоит акомиссиа. Атарифқәа зегьы шьақәыргылахоит категориала Аминистрцәа реилазаараҿы.

Иара убас шәаԥхьар ҟалоит:

Ажәабжьқәа зегьы
0