АҞӘА, хәажәкыра 20 - Sputnik. Гәдоуҭа араион апрокуратура ахәҭаҷ "Ауаҩшьра" ала ашьаус хацнаркит 22 шықәса зхыҵуа Гәдоуҭа иқәынхо Олег Петровски иганахьала ҳәа аанацҳауеит Апрокуратура хада.
"Петровски Олег Виктор-иԥа Гәдоуҭа араион Аацы ақыҭан инхоз Губанов Павел Александр-иԥа иҩны даныҟаз Губанов ишьра игәҭакны еихала ихы дасит. Иоуз ахәрақәа ирхырҟьаны аҵыхәтәантәи аҭыԥ аҟны иԥсҭазаара далҵит", - ҳәа аҳәоит асаит адырраҭараҿы.
Петровски даанкылан, днаган аамҭалатәи ауаҩы иԥхьакырҭахь. Гәдоуҭатәи араионтә ӡбарҭа иҟанаҵаз азыҳәа ала, аусҭҵаара ахьынӡацо уи ҿҳәарала ҩымз ҳәа даанкылоуп.
Аусҭҵаара мҩаԥнагоит Гәдоуҭа араион апрокуратура. Аԥсны азакәанԥҵара инақәыршәаны, заа гәҭакыс иҟаҵаны ауаҩшьра ҟазҵаз ҭакрала иқәырҵоит фышықәса инадыркны жәаҩа шықәса рҟынӡа.
Иара убас шәаԥхьар ҟалоит:
-
Озган ишьра далахәуп ҳәа агәаанагара ззыҟаз ахаҿы абахҭаҟны дыршьит
-
Сан-Ремо аҿаԥхьа иҟалаз ахысра далахәын ҳәа агәҩара ззыҟаз ахаҿы даанкылоуп
