Ашәарҭадаратә маҵзура: аԥсуа тәылауаҩшәҟә змам урыстәылаагьы Аԥсныҟа аара рылшоит

© SputnikКПП Псоу
КПП Псоу - Sputnik Аҧсны
Анапаҵаҩра
Асоциалтә ҳақәа рҿы ицәырҵит аинформациа аҳәынҭқарратә ҳәааҿы аԥсуа тәылауаҩшәҟә змам ауааԥсыра ареспублика аҵакырахь иҭарыжьлом ҳәа.

АҞӘА, хәажәкыра 27 – Sputnik, Бадри Есиава. Аԥсни Урыстәылеи рҳәынҭқарратә ҳәааҿы аԥсуа тәылауаҩшәҟә змам ареспублика аҵакырахь иҭарыжьлом ҳәа асоциалтә ҳақәа рҿы ицәырҵыз аинформациа провокациоуп ҳәа азиҳәеит Аԥсны Аҳәынҭқарратә шәарҭадаратә маҵзура ахантәаҩы ихаҭыԥуаҩ Нодар Чачхиани.

"Ари информациатә провокациоуп. Урыстәыла атәылауаа аушьҭырҭатә ҭыԥ иахысны атәыла иалалар рылшоит. Иаармышьҭуа аекскурсиатә гәыԥқәа роуп. Асеиԥш игәароу ажәабжьқәа дезинформациоуп", - иҳәеит Чачхиани.

Иара убасгьы иазгәеиҭеит аекскурсиатә усура, баџьдатәи адәқьанқәа русура анаанкылаха ашьҭахь аҳәаа иахысуа рхыԥхьаӡара акыр иагхеит ҳәа.

Чачхиани арҭ ауснагӡатәқәа ихәарҭоу ракәны дахәаԥшуеит акоронавирус Аԥсны аламырҵәаразы.

Аԥсны акоронавирус аҿацәыхьчаразы иҟоу аԥкрақәа ртәы шәахәаԥшырц ҟалоит абра>>

Ажәабжьқәа зегьы
0