АҞӘА, хәажәкыра 27 - Sputnik. Аԥсны Аҩнуҵҟатәи аусқәа рминистрра аԥкырақәа ирхьырԥшны русура еиҭаркуеит ҳәа аанацҳауеит аминистрра асаит.
Хәажәкыра 25 инаркны ҷыдалатәи адҵаҟаҵаранӡа аминистрра иаҵанакуа аусбарҭақәа зегьы рыҟны атәылауаа рыдкылара аанкылахоит.
"Атәылауаа рыдкылара аанкылахоит аҭыӡҭыԥ-еилкааратә биуро, атәылауаҩшәҟәытә усбарҭа аҟәшақәа рҿы. Аԥсны ААИ аҟны автотранспорт аҭаҩра аҟәшаҿы аҩныҵҟатә режим ала аусурақәа мҩаԥыслоит", - ҳәа аҳәоит адырраҭараҿы.
Уи адагьы иԥкхоит Аҩнуҵҟатәи аусқәа рминистрра анапаҵаҟа иҟоу аамҭала ацәгьоуцәа раанкыларҭақәа ирҭоу ахаҿқәа рнырра.
"Аҩнуҵҟатәи аусқәа рминистрра ақалақьтәи араионтәи ҟәшақәа адҵа рыҭоуп хәажәкыра 25 инаркны мшаԥы 7 рҟынӡа атәылауаа жәпаҩыла реинырра аԥырҟәҟәааразы азыԥхьагәаҭаратә усурақәа мҩаԥыргаларц", - ҳәа азгәарҭеит Аԥсны ААР аҿы.
Аекономикатә шәарҭадареи акоррупциа аҿагылареи рзы Аусбарҭа анапы ианҵоуп зыда ԥсыхәа ыҟам атауар ахәԥса ашьҭыҵра алмыршаразы ауснагӡатәқәа рымҩаԥгара.
Иара убас шәаԥхьар ҟалоит:
- Аԥсны аҭагылазаашьа ҷыда аларгалоит хәажәкыра 28 инаркны
-
Авирус аҿагылара хықәкыс иҟаҵаны Аԥсны амалуаа афонд аԥырҵоит
