"Аректорат иаразнак иаднакылеит ақәҵара аҵара процесс зегьы аинтернет ахархәарала имҩаԥгазарц. Адеканатқәеи акафедрақәеи зегьы рҿы имҩаԥысит аизара, ари аус арманшәаларазы. Иӡбан сынтәа иалго астудентцәа ацхыраара рыҭазарц, рԥышәарақәеи рдипломтә усурақәеи рыхьчара аус маншәаланы имҩаԥгазарц. Ажурналистика акафедра аҿгьы уи аус еиҿкаан. Адипломтә усумҭақәа равторцәеи ҳареи аинтернет ала ҳаҽрымаадеит. Астудентцәа русумҭақәа абри амзазы иалгар акәын, ус иагьыҟалеит. Иазгәаҭатәуп, ас еиԥш адипломқәа рыриашара аус шыманшәалахаз. Акызаҵәык, ауадаҩра цәырҵуеит алекциақәа рымҩаԥгаразы агәыԥқәа реиҿкаара аус аҿы. Ҳаргьы арҵаҩцәа иаҳҵароуп уи аус аиҿкаашьа. Ари апроцесс усҟак ҳнаԥаҿы иааҳамгац, аха ҳаҿуп, ҳаргьы аҵара ҳаҿуп", - иҳәеит Амқәаб.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
-
Делԥҳа акарантин азы: аҵаҩцәа гәхьааугоит, унапы рыкәыршаны иухьчар уҭахуп
-
Аншба ашколхәыҷқәа онлаин-аҵара рзеиҿкааразы: ихадароу - алшара зегьы еицырзеиԥшзароуп
