Аҭагылазаашьа ҷыда еилазго ахараԥса ддыршәалоит

© Sputnik Томас ТхайцукМВД
МВД - Sputnik Аҧсны
Анапаҵаҩра
НовостиTelegram
Аԥсны ахада инапынҵақәа назыгӡо Валери Бганба аусдҵа инапы аҵаиҩит административтә зинеилагарақәа рзы Азакәанеидкыла аԥсахрақәа алагаларазы.

АҞӘА, мшаԥы 10 - Sputnik. Административтә зинеилагарақәа рзы Азакәанеидкыла ах-ҿыц иазыԥхьагәанаҭоит арежим ҷыда аилагаразы ахарадҵа.

Люди на Брехаловке  - Sputnik Аҧсны
Аԥсны ауааԥсыра аҩны адәылҵра иақәиҭхом ԥсыхәа змам уск аҵыхәала акәымзар

Уи азы аиҭакрақәа алагалоуп ахада инапынҵақәа назыгӡо иусдҵала.

Азакәанеидкыла ариашарақәа инарықәыршәаны, акоронавирус аламырҵәара иазырхоу ауснагӡатәқәа еилазго ахараԥса рықәҵахоит.

Аҽыԥхьакра арежим иаҵанакуа аҭагылазаашьа ҷыда еиларгар хә-нызқь мааҭ рықәырҵоит.

COVID-19 имоуп ҳәа агәаанагара ззыҟоу аҽыԥхьакра арежим еилеигар 10 000 мааҭ иқәҵахоит.

Коронавирус COVID-19 змоу, аҽыԥхьакра арежим еилеигар 20 000 мааҭ иқәҵахоит.

Хаз игоу ахараԥсақәа рықәҵахоит акультуратә, аспорттә, агәмырҿыӷьратә, ацәыргақәҵатә уҳәа реиԥш иҟоу ауснагӡатәқәа рзин змам, арежим еилазго, иара убасгьы зусура аанкылоу ахәаахәҭра, амаҵзурақәа русзуҩцәа, ауаажәларратә транспорт аусура арежим еилазго:

  • атәылауаа рзы 5 000 мааҭ;
  • амаҵзурауаа рзы 15 000 мааҭ

Аиурист хаҿқәеи ахала наплакцәеи рзы 20 000 мааҭ.

Амассатә-информациатә маҵзурақәеи асоциалтә ҳақәеи рҟны ауааԥсыра рыԥсҭазаара ашәарҭара иҭазыргыло ииашам аинформациа рылазырҵәо ахараԥса рықәырҵоит:

  • атәылауаа – 15 000мааҭ;
  • амаҵзурауаа – 30 000 мааҭ;
  • аиурист хаҿқәа – 50 000 мааҭ.

Аԥсны аҭагылазаашьа ҷыда алагалоуп мшаԥы 20 рҟынӡа.

Иара убас шәаԥхьар ҟалоит:

Ажәабжьқәа зегьы
0