АҞӘА, мшаԥы 12 - Sputnik. Иҳаҩсыз уахыки-ҽнаки рзы Аԥсны имҩаԥган акоронавирус рылоу-ирыламу агәаҭаразы хә-тестк. Урҭ зегьы ачымазара ҿкы аадмырԥшит, абри атәы рҳәеит Ауааԥсыра акоронавирус рацәыхьчаразы Аоперативтә штаб аҟны.
Раԥхьатәи ҩыџьа апациентцәа Гәдоуҭатәи азәышәтәырҭаҿы ишьҭоуп. Урҭ рҭагылазаашьа ҭышәынтәалоуп, аицәахара иаҿӡам.
Акоронавирус зыхьыз ахԥатәи ачымазаҩ - 1925 шықәсазы ииз Гагра атәылауаҩ - ахәышәтәырҭа аҭалара мап ацәылкит. Лара лҽыԥхьакны дыҟоуп, аспециалистцәа хылаԥшра лырҭоит. Лҭагылазаашьа хар амам.
Аштаб аҿы иара убас ауаа рахь ааԥхьара ҩаԥхьа иҟарҵеит аҭагылазаашьа ҷыда арежим хырҩа арымҭарц, ԥсыхәа змам ак акәымзар, рыҩнқәа ирдәылымҵларц.
Иахьазы Аԥсны акоронавирус хҭысқәа хԥа аарԥшуп. Раԥхьа ичмазаҩхаз Гагра иқәынхо Аԥсны атәылауаҩ иоуп, уи хәажәкыра анҵәамҭазы Москвантәи дааит. Егьырҭ ҩыџьа ари ахаҵа иныруан, Гагра ҩнеихагылак аҿы еицынхоит. На сегодняшний день в Абхазии подтверждено три случая заражения коронавирусом.
Акоронавирус иазку ажәабжьқәа рзы аҵыхәтәантәи адыррақәа шәрыԥхьар ҟалоит абра>>
