Урыстәыла Атәылахьчара аминистрра аибашьраантәи адокументқәа рымаӡара рыхнахит

© Sputnik / Анатолий Григорьев / Амедиаҵәахырҭахь аиасраСоветские войска вступают в Вену.
Советские войска вступают в Вену. - Sputnik Аҧсны
Анапаҵаҩра
1945 шықәса мшаԥы 13 рзы Ар ҟаԥшь аидыслара ӷәӷәаӡа аамышьҭахь Австриа аҳҭнықалақь Вена анемец фашистцәа рҟынтәи ахы иақәиҭыртәит.

АҞӘА, мшаԥы 13 - Sputnik. Аџьынџьтәылатә еибашьра Ду аҟны Аиааира 75-шықәса ахыҵра аламҭалазы Урыстәыла Атәылахьчара аминистрра иакьыԥхьит зымаӡа зхыхыз адокументқәа Вена ахақәиҭтәра иазкыз. Абри азы аминистрра асаит аҟны иаԥҵан аҭоурыхтә ҟәша ҿыц "Аиааира венатәи авальс".

Посадка дерева  - Sputnik Аҧсны
Аԥсны акциа "Агәалашәара абаҳча" иадгылоит

Вена ахы иақәиҭтәын Ар ҟаԥшь венатәи ржәылара аҳәаақәа ирҭагӡаны. Имҩаԥыргон аҩбатәии ахԥатәии украинатәи афронтқәа. Ажәылара цон 1945 шықәса хәажәкыра 16 инаркны мшаԥы 15 рҟынӡа.

Аҭоурыхтә ҟәша ҿыц "Аиааира венатәи авальс" аҭааҩцәа ирдырыр алшоит уаанӡа зыӡбахә еилкаамыз, иуникалтәу адокументқәа – аибашьра адәаҟынтәи адыррақәа, аҳасабырбақәа, ар ржәылара асхемақәа, аҳаҭыртә шәҟәқәа, аиҳабыра рыдҵақәа, алахәылацәа ргәалашәарақәа, афотодокументқәа.

Аибашьра амш ажурнал инақәыршәаны Австриа аҳҭнықалақь ахақәиҭтәраан мышкы ахы-аҵыхәала иҭархан 400-ҩык, итҟәан 570-ҩык асолдаҭцәеи афицарцәеи, ирымпыҵахалан: 14 танк, 52 пулемиот, 820 винтовока, 116 мотоцикл, 347 автомашьына, 19 паровоз, 1211 вагон. Иԥжәан еиуеиԥшым артҟәацгақәа зҵаз 14 склад.

Аџьынџьтәылатә еибашьра Ду аҟны Аиааира 75-шықәса ахыҵра аламҭалазы Урыстәыла Атәылахьчара аминистрра иакьыԥхьит аминистрра архив Хада аҟны иҵәахыз Вена ахақәиҭтәра иазкыз, зымаӡа зхыхыз адокументқәа. Асеиԥш ҟаҵоуп аҭоурых аиашара ахьчаразы.

Иара убас шәаԥхьар ҟалоит:

 

Ажәабжьқәа зегьы
0