АҞӘА, мшаԥы 14 - Sputnik. Урыстәыла коронавирус зхәышәтәуа ахәшә ҿыц аус адулоуп ҳәа аҳәамҭа ҟаиҵеит Агәабзиарахьчара аминистр Михаил Мурашко Владимир Путин мшаԥы 13 рзы имҩаԥигаз аилацәажәараҟны.
Авидеоконференциа арежим ала имҩаԥысыз аилацәажәараҿы иара иҳәеит:
"Урыстәылатәи аилахәыра ахәшә аус аднаулеит, аклиникатә ҭҵааразы актәи апартиа ҭыжьуп. Хара имгакәа урҭ аҭҵаарақәа ахәшьара рыҭахоит", - иҳәеит Михаил Мурашко.
Иара иажәақәа рыла, аклиникатә ҭҵаарақәа 10-12 мшы рыҩныҵҟа ихацыркхоит.
Урыстәыла иахьаҵанакуа иахьазы 19 нызқьҩык инарзынаԥшуа акоронавирус рымоуп ҳәа шьақәырӷәӷәоуп, рыԥсҭазаара иалҵхьеит 150-ҩык инареиҳаны.
Иара убас шәаԥхьар ҟалоит:
- Адунеизегьтәи агәабзиарахьчаратә еиҿкаара амедицинатә сабрадақәа рныҟәгашьа иалацәажәеит
