"Сара сыԥҭазаараҿы ус иҟалеит сыҭҵаарадырреи аҭҵаарадырра анапхгара аҭареи еицызбоит 30 шықәса инеиҵамкәа. Ганкьахала анаука, аусумҭақәа раԥҵара, даҽаганкахьала - аҭҵаарадырра анапхгара аҭара. Акыршықәса ҵуеит Аԥснытәи аҳәынҭқарратә университет аҿы аус зуеижьҭеи, астудентцәа, аспирантцәа, анаука зҽазызкуа аҿарацәа ралԥшаара уҳәа, абарҭ зегьы еибаркуп сыԥсҭазаараҿы. Сҭаацәа рзы аамҭа аннымхо иаҳа еиҳауп. Ҳара ҳаԥсуара, ҳаҟазшьа, ҳаԥсҭазаашьа уазхәыцуазар, хымԥада иуадаҩуп урҭ аусқәа реидбалара, ихьанҭоуп, аха уи уазшазар, уҽазукыр, иҟауҵоит, уахьӡоит, еилаугӡоит сгәанала. Хымԥада, иумнахуа маҷӡам, угәабзиара акәзааит, аха ҳара иҟаҳамҵар азин ҳамаӡам, аибашьра ду ҳхысит, уи ашьҭахь ҳаҭҵаарадырра еиҭашьақәгылароуп. Ирацәоуп сгәы иҭакны исымоу апроектқәа, убарҭ срыхьӡар даара ибзиахон", - ҳәа азгәеиҭеит Џьапуа.
Аҵарауаҩ иԥсҭазаараҿы ихадоу аҭыԥ ааннакылоит афольклорҭҵаара, ҷыдала Нарҭаа репос аҭҵаара.
"Нарҭаа репос ҳдыруа џьаҳшьоит ҳара, иара иаҵоу амаӡақәа рацәоуп, уи ҳара аԥсуаа ҳдоуҳауп, ҳаԥшьаҩыроуп. Акырӡа ҵуеит аматериалқәа зегьы еизганы, аҳәамҭақәа зегьы еиқәыршәаны, аибашьраан иӡыз еиҭашьақәыргыланы, сколлегацәеи сареи аа-томкны иҟоу ашәҟәы аиқәыршәара ҳаҿуижьҭеи, уажәшьҭа иҭҳажьып ҳәа сгәы иаанагоит", - ҳәа азгәеиҭеит Џьапуа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
