АҞӘА, мшаԥы 17 - Sputnik. Гагреи Гали араионқәа рҵакырахь алалареи акоменданттә сааҭи раԥыхра алшоит асанитартә маҵзурақәа рақәшаҳаҭхарала мшаԥы 21 инаркны. Абри атәы аанацҳауеит Аминистрцәа реилазаара асаит.
Агәабзиарахьчареи асоциалтә еиқәыршәареи рминистр Ҭамаз Ҵахнакьиа аиалтәараҿы иазгәеиҭеит ауснагӡатәқәа зегьы ишахәҭоу ала ишымҩаԥгоу.
Хәажәкыра 29 рзы Гал араион ахь узго амҩақәа зегь азинхьчаратә усбарҭақәа иадыркит Москвантәи иааз Гал ауаҩԥсы авирус лымоуп ҳәа анышьақәыргылаха ашьҭахь.
Араион аҿы асааҭ 20:00 инаркны асааҭ 07:00 рҟынӡа акоменданттә сааҭ алагалан хәажәкыра 31 рзы.
Гагра араион аҿы акоменданттә сааҭ алагалан мшаԥы 8 рзы, Гагра ауаҩԥсы акоронавирус анидырбала ашьҭахь.
Иара убас шәаԥхьар ҟалоит:
- Гагра араион аҿы аҭагылазаашьа ҷыда еиҳа ирӷәӷәахоит
-
Аҩнуҵҟатәи аусқәа рминистрра Гали Очамчыреи рыбжьара амҩа адыркит
