Аҳақьым Малышев авирус алаҵазы: шықәсык, ма шықәсыки бжаки иадхалар ҟалоит

CC0 / / Прививка
Прививка - Sputnik Аҧсны
Анапаҵаҩра
Амедицинатә ҭҵаарадыррақәа рдоктор, апрофессор, аҳақьым-инфекционист Николаи Малышев иазиԥхьаӡоит акоронавирус хызҽуа алаҵа архиара шықәсык, ма шықәсыки бжаки иадхалоит ҳәа.

АҞӘА, мшаԥы 17– Sputnik. Аексперт иазгәеиҭеит аҵарауаа шьоукы аепидемиа лаҵада аиааира алшом ҳәа шазырыԥхьаӡо.

Иара иажәақәа рыла, акоронавирус хызҽуа алаҵа аимҳәа алаҵа азыԥшаара аасҭаа ауадаҩрақәа ацуп, убри азы уи ирласны иҟало усны дахәаԥшуам.

"Иахьазы 70 ҭҵаарадырратә коллектив алаҵа азыԥшаара аус адырулоит. Китаии Америкеи алаҵақәа х-хкык аклиникатә ԥышәара ахыжьра иаҿуп. Аха аамҭа аҭахуп ахыркәшараҟынӡа", - иҳәеит иара Жәларбжьаратәи аинформациатә агентра "Россия сегодня" аҟны онлаин-конференциа мҩаԥго.

Адунеизегьтәи агәабзиарахьчаратә еиҿкаара хәажәкыра 11 рзы акоронавирустә инфекциа COVID-19 алаҵәара пандемиоуп ҳәа ахнаҳәааит. Иахьатәи аамҭазы авирус рымоуп ҩ-миллионҩык инарзынаԥшуа, 130 нызқьҩык инариҳаны рыԥсҭазаара иалҵхьеит.

Акоронавирус иазку ажәабжьқәа рзы аҵыхәтәантәи адыррақәа шәрыԥхьар ҟалоит абра>

Ажәабжьқәа зегьы
0