АҞӘА, мшаԥы 29 – Sputnik, Асмаҭ Ҵәыџьԥҳа. Ауаажәларратә транспорт аныҟәара хацнаркуеит лаҵара 1 инаркны ҳәа азгәарҭеит Аминистрцәа реилазаара апресс-маҵзураҿы.
Аусбарҭа аинформациала ақалақьтә транспорт есыҽны иныҟәалоит, ақалақьанҭыҵтә – аџьармыкьа аусура амшқәа раан.
Уаанӡа АИХ ахаҭарнакцәа данрыҿцәажәоз Агәабзиарахьчараа министр Ҭамаз Ҵахнакьиа иҳәахьан атранспорт аусура лаҵара 4 инаркны иалагоит ҳәа.
Ауааԥсыра акоронавирус рацәыхьчаразы акоординациатттә штаб аилатәара мҩаԥысит Аԥсны аԥыза-министр Александр Анқәаб далархәны.
Аилатәараҿы аӡбра рыдыркылеит аԥкыратә уснагӡатәқәа лаҵара 15 рҟынӡа иаԥыхымзарц.
Аԥкырақәа ирыҵарымкит аҽырԥшӡарҭатә салонқәа, ахцәыҟаҵарҭақәа. Урҭ русура хацдыркыр ҟалоит лаҵара 1 инаркны.
Иара убас шәаԥхьар ҟалоит:
- Аԥсныҟа иааз акарантин ишықәныҟәо иахылаԥшуеит Аԥсны ААР аусзуҩцәа
