АҞӘА, мшаԥы 30 - Sputnik. Аԥсны аҩбатәи аҭыԥ ааннакылеит акризис ашьҭахь урыстәыла ԥсшьара ҳәа инеирц ахьырҭаху аҭыԥқәа рыбжьара. Абри аҩыза адыррақәа еилнакааит Аԥсшьараамҭазтәи аангыларҭатә ҭыԥқәа заанаҵы рҿаҵаразы урыстәылатәи амаҵзура Tvil.ru.
"Атуристцәа реиҳараҩык Ҟрымҟа ацара ргәы аҳәоит (51.61%) акурортқәа анаартхалак ашьҭахь. 11,69% ҳзызҵааз Аԥсныҟа рхы дырхар рҭахуп, 10.48% — аӡиа Баикал алырхит, 10.08% — Краснодартәи атәылаҿацә акурортқәа", — ҳәа аҳәоит адырраҭараҿы.
Tvil.ru азҵаарақәа рҭакс аԥсшьареи аҽыхәышәтәреи рзы еиҳа Алтаитәи атәылаҿацәа Карелиеи алырхит асоциалтә ҳақәа рхархәаҩцәа (5.65%), Ставропольтәи атәылаҿацә (2.82%), Башкириа, Ленинградтәи аобласт (0.81%), Свердловтәи аобласт (0.4%).
Аҽыԥхьакратә режим ашьҭахь еиҳа аҽыхәышәтәрази аԥсшьарази иманшәалоу аҭыԥқәа жәаба:
1. Ҟрым - 51.61%
2. Аԥсны - 11,69%
3. Баикал - 10.48%
4. Краснодартәи атәылаҿацә - 10.08%
5-6. Алтаитәи атәылаҿацә, Карелиа - 5.65%
7. Ставропольтәи атәылаҿацә- 2.82%
8-9. Башкириа, Ленинградтәи аобласт - 0.81%
10. Свердловтәи аобласт - 0.4%
Уаанӡатәи адыррақәа рыла, аԥснытәи ақалақьқәа 2020 шықәсазы атуристцәа заанаҵы анхараҭқәа ахьҿарҵаз аҭыԥқәа рсиа ианын. Арҭ адыррақәа еиднакылеит Tvil.ru.
Иара убас шәаԥхьар ҟалоит:
- Асезон иақәгәыӷуеит: Ҟрым аԥсшьарҭа ҭыԥқәа заанаҵы иҿарҵоит
-
Урыстәылатәи атуроператорцәа Аԥсны "акризисшьҭахьтә" сиа ианырҵеит
