АҞӘА, лаҵара 5 – Sputnik. Аԥсны ахада Аслан Бжьаниа Гагра араион ахадара аколлектив дыдирдырит араион ахада инапынҵақәа назыгӡо Иури Хагәышь.
Бжьаниа аколлективи уаанӡатәи анапхгареи иҭабуп ҳәа реиҳәеит русура бзиазы. Иазгәеиҭеит агәрагара шимоу адинамика ҵоура ҟалап ҳәа ԥхьаҟагьы Иури Хагәышь инапхгарала.
"Гагра араион Аԥсны уахьналало ишьҭоуп, уи ҳтәыла ахаҿсахьа шьақәзыргыло ируакуп. Уаанӡатәи СССР атәылақәа зегьы рҿы еицырдыруеит. Атәыла ахадара ирылшо зегь ҟарҵалоит араион иахәҭоу ацхыраара аҭаразы", - иҳәеит ахада.
Иара убасгьы иазгәеиҭеит дшақәгәыӷуа Гагра араион ахадараҿы анагӡаратә леишәа арбагақәа акыр иҳаракхап ҳәа, уи иалнаршоит иааидкыланы араион зегь аҿы аусбарҭақәа русура напхгагак аҳасабала иҟаларц.
Иури Хагәышь атәыла анапхгара ҭабуп ҳәа реиҳәеит иаадырԥшыз агәрагаразы.
"Ҳаҭыр зқәу адепутатцәа, ахадара аусзуҩцәа, ҳара аҭакԥхықәра ду ҳаҵагылоуп. Сгәыӷуеит ҳҽеибыҭаны аусура ишахәҭоу имҩаԥаагап ҳәа, ҳақалақь, ҳраион аҭагылазаашьа уадаҩ иалаагап ҳәа", - иҳәеит иара.
Иара убас шәаԥхьар ҟалоит:
-
Адепутатцәа Бжьаниа, Анқәаб, Дбар, Хагәышь рнапынҵақәа шьҭарҵеит
-
Кристина Озганԥҳа аԥыза-министр ихаҭыԥуаҩыси аекономика аминистрси дҟаҵоуп
-
Мчыбжьык ала жәеиза маҵура: Аԥсны анагӡаратә мчра ҿыц шеиҿыркаауа
