"Аб бзиа иҭаацәа, ихшара амҩа ишықәиҵо еиԥш дааҳалатәаны дҳацәажәон, зегьы даҳзааигәан, иԥсы ҳахылҵызшәа даҳзыҟан… Иара иҵаулаз ажәабжьқәа, иҟалахьоу, акьыԥхь зымбац, абри иабаиаҳаи, излагәникылеи уҳәо, ифилософиатә хәыцрақәа аҵаҵаны иааигон. Мирод анализ аҟаҵара уамак дазҟазан, иеиԥш уи зылшозгьы маҷҩуп. Иара аибашьраангьы дхәыҷӡамызт, аха аҷкәынцәа дрывагылан деибашьуан. Аӷьараҳәа зыжәлар ирылагыланы ицәажәашаз аӡә иакәын. Абри ииашам иҟауҵаз, абри абасоуп ҳәа аҳәара зылшоз, аҵара имамкәа, иҷыдоу занааҭк иамамкәа, ауаҩы ԥсуаҵас имаз ааӡара, аԥсабара иланаҵаз ала дхәыцуан. Мирод иеиԥш зажәа акраҵанакуа ауаа ҳҭахуп абыржәы. Иеиԥш иҟоу ауаҩы аӡәгьы ихьӡ сызҳәом иахьагьы", - ҳәа азгәалҭеит Ҳагԥҳа.
Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
-
Аԥсуаа рҿахәҳәаҩы, ахақәиҭра азықәԥаҩ: Мирод Гәажәба игәалашәаразы
-
Ҳагԥҳа: сара сзы игәадуроуп Ҭамара Шьаҟрылԥҳа леиԥш арҵаҩы дахьсымаз
-
Ҳагԥҳа аҵарауаҩ Виачеслав Бганба изкны: илаԥш, иажәа, ихшыҩ ҳагуп
