АҞӘА, лаҵара 22 - Sputnik. Аԥсны Ашәарҭадаратә маҵзура ахантәаҩы ихаҭыԥуаҩыс, Аԥсны АШәМ Аҳәаахьчаратә отриад аиҳабыс дҟаҵоуп Рустам Латипов ҳәа аанацҳауеит ахада ипресс-маҵзура.
Абри азы аусԥҟа инапы аҵаиҩит Аслан Бжьаниа лаҵара 21 рзы.
Лаҵара 19 рзы Аԥсны Ашәарҭадаратә маҵзура ахантәаҩы ихаҭыԥуаҩыс дҟаҵан Заал Хәарцкьиа.
Рустам Латипов диит ԥхынҷкәын 16, 1978 шықәса рзы, Калдахәара. Аԥснытәи аҳәынҭқарратә университет азиндырратә факультет далгеит. Ашәарҭадаратә маҵзура аусбарҭақәа рҿы аус иуан 2001 шықәса раахыс, 2006 шықәса раахыс еиуиеԥшым анапхгаратә ҭыԥқәа рҿы.
Иара убас шәаԥхьар ҟалоит:
- Аԥсны Ашәарҭадаратә маҵзура ахантәаҩы инапынҵақәа назыгӡо даҭоуп
