Микрофон  - Sputnik Аҧсны
Арадио

Арсалиаԥҳа "Аклассика ҳаԥхьоит" азы: аҿар алитература иаҳа агьама днаркып ҳәа ҳгәыӷуеит

© SputnikЭльвира Арсалия
Эльвира Арсалия - Sputnik Аҧсны
Анапаҵаҩра
НовостиTelegram
Аԥсны акультура аминистр инапынҵақәа назыгӡо Ельвира Арсалиаԥҳа арадио Sputnik аефир аҟны еиҭалҳәеит апроект "Аклассика ҳаԥхьоит" аидеиа шцәырҵыз, уи хықәкыс иамоу атәы.
Ҳазлацәажәаша ҳамоуп: Арсалиаԥҳа акциа "Аклассика ҳаԥхьоит" иазкны

Аԥсны акультура аминистрреи Ареспубликатә аҿартә библиотекеи лаҵара 26 ихацдыркит акциа "Аклассика ҳаԥхьоит".

"Ачымазара ҿкы иахҟьаны акарантинтә ԥҟарақәа ҳрықәныҟәоит, убри аҟынтә акультуратә хәышҭаарақәа русура аанкылоуп аамҭала. Арҭ амшқәа рзы ҳара ҳрызхәыцуеит апроектқәа ауаа маҷны иадԥхьаланы аҩнуҵҟатәи аусура аанымкылара алзыршо. Ааигәа иҟаз амузеиқәа Жәлрабжьаратәи рымш иаҳнарбеит шаҟа аинтерс рызцәырнагаз ауаа "Експонатк аҭоурых" ҳәа апроект, уи иаанарԥшит амузеи аҟны иҵәаху амаҭәарқәа. Убри аҟынтә ҳара ҳгәы иаанагеит абиблиотекақәа рымш азгәаҭаразы( Лаҵарамза 27 абиблиотекақәа ирымшуп- аред.), убасгьы рашәара акы ахәыҷқәа рымш инадҳәаланы акциа мҩаԥаагарц акультура аминистрреи абиблиотекеи рҟны аус зуа аҿарацәа алархәны. Ганкахьала ари алитература аклассика азхьаԥшроуп, уи анаҩсгьы ҳазхәыцуеит акультуратә ԥсҭазаара аҿарацәа иаҳа ралархәра. Уажәы аҿар рҵара аанкылоуп, абиблиотекақәа, амузеиқәа, атеатрқәа рахь инеиртә макьана аҭагылазаашьа ыҟам. Ас еиԥш алитературатә акциа аҿарацәа ргәалаҟазаара иаҳа еиӷьнатәуеит, алитература агьама днаркып, уи ахь аинтерес иаҳа ишьҭырхып ҳәа ҳгәыӷуеит", - лхәеит Арсалиаԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ажәабжьқәа зегьы
0