Џьон Аҭәмаа Аԥсны АшәМ Иҷыдоу анапынҵақәа рцентр аиҳабыс дҟаҵоуп

© Sputnik, Бадрак АвидзбаДжон Атумава
Джон Атумава - Sputnik Аҧсны
Анапаҵаҩра
Аԥсны Ашәарҭадаратә маҵзура Иҷыдоу анапынҵақәа рцентр аиҳабыс уаанӡа дыҟан Рауль Харабуа.

АҞӘА, рашәара 19 – Sputnik. Аԥсны ахада Аслан Бжьаниа аусԥҟа инапы аҵаиҩит Аԥсны Ашәарҭадаратә маҵзура иҷыдоу анапынҵақәа Рцентр аиҳабыс иҟаҵаразы. Абри атәы аанацҳауеит ахада исаит.

Администрация президента  - Sputnik Аҧсны
Бжьаниа ахада Иусбарҭа анапхгаҩи Аԥсны АШәМ ахантәаҩи рхаҭыԥуаа аиҭеит

Иара абри аусԥҟала ихы дақәиҭтәуп Аԥсны Ашәарҭадаратә Маҵзура Иҷыдоу анапынҵақәа рцентр аиҳабыс уаанӡа дыҟан Рауль Харабуа. Рауль Харабуа Аԥсны Ашәарҭадаратә маҵзура ахантәаҩы инапаҵаҟахь диагоуп.

Џьон Аҭәмаа диит ԥхынҷкәын 25, 1979 шықәса рзы Очамчыра.

2013 шықәса рзы Аԥснытәи аҳәынҭқарратә университет аҭоурыхтә факультет далгеит.

2016 шықәса рзы Аԥснытәи аҳәынҭқарратә университет апедагогикатә факультет далгеит.

2000 – 2003 шш. – Москватәи аспорттә клуб "Юниор" азыҟаҵаҩ.

2005 – 2010 шш. – Аԥсны Аҳәынҭқарратә хьчара амаҵзура аусзуҩ.

2010 - 2014 шш. – Аԥсны Ашәарҭадаратә маҵзура аусзуҩ.

2014 шықәса инаркны иахьанӡа Аҟәа ахадара аспорти аҿари рызҵаарақәа рзы аилак ахантәаҩы.

Карате азы адунеи ачемпионатқәа рҿы аԥхьахәқәа хынтә игахьеит, 2005 шықәсазы адунеи ачемпион, Урыстәылеи Аԥсни рҟны зҽаԥсазтәыз аспорт азҟаза.

Аԥсны Ашәарҭадаратә Маҵзура Иҷыдоу анапынҵақәа рцентр аԥҵан 1996 шықәса рзы. Ацентр азырхоуп адиверсиа-террористтәи абандиттәи гәыԥқәа рҿагылара.

Иара убас шәаԥхьар ҟалоит:

Ажәабжьқәа зегьы
0