АҞӘА, рашәара 23 - Sputnik. 19 шықәса зхыҵуа Аԥсны атәылауаҩ лшәыраҿы шәачатәи аҳазалхыҩцәа акастет рыԥшааит лара Урыстәылантәи Аԥсныҟа даниасуаз ҳәа аанацҳауеит Шәача Аҳазалхырҭа апресс-маҵзура.
Амаҭәар рбеит арентгентә шьақәгылала.
Прохождение таможенного контроля на Сочинской таможне
© Пресс-служба Сочинской таможни
Иара убасгьы Аԥснынтәи Урыстәылаҟа ицоз Амуртәи аобласт ауаҩԥсы идбалан "штык-нож" ҳәа изышьҭоу америкатәи авинтовка М-16 ахәҭа. Ахаҵа ихымҩаԥгашьа агәыҩбара зызцәырнагаз аҳазалхыҩцәа аҳәаа иахысраан иеидара инарҵауланы игәарҭеит.
"Штык-нож" аура - 32 сантиметра, анапкырҭа - 12,5 сантиметра, аҿы - 19,5 сантиметра.
Арҭ ззин ыҟам амаҭәарқәа рганахьала аҳазалхратә рбага дыррак анымызт, иныҟәыргар шыҟало азгьы зинк рымамызт. Абџьар хьшәашәа аекспертизахь инашьҭуп.
