АҞӘА, рашәара 25 - Sputnik. Ахаҭабзиара аекологиатә дырга "Ажәҩангәыԥшшәыла бираҟ" роуит урыстәылатәи аплиажқәа 24. Урҭ рҟынтәи 21 – Шәача аплиажқәа роуп ҳәа аанацҳауеит атәылаҿацә ахадара. Ахаҭабзиара аекологиатә дырга "Ажәҩангәыԥшшәыла бираҟ" аҭаразы аӡбамҭа рыдыркылон Копенгаген, онлаин режим ала жәларбжьаратәи аексперттә хеилак аилатәараҿы.
"Ажәҩангәыԥшшәыла бираҟ" – аплиажқәеи асқьалақәеи иранашьахо жәларбжьаратә ԥхьахәуп ишәарҭадан аҽыкәабарҭақәа рыҟазаареи аӡы ацқьареи рзы.
"Аплиажқәа рҵакыра ацқьареи, зхаҭабзиара ҳараку амаҵзурақәа рыҟазаареи, амшын аӡы ацқьареи – абарҭ зегьы ҳақалақь акурорттә усхк иахықәкы хаданы иҟоуп. Амшынӡ ахаҭабзиара акәзар, аҩаӡара ҳарак официалла иазхарҵоит жәларбжьаратәи аексперттә комиссиа", – ҳәа азгәеиҭеит Шәача ахада Алексеи Копаигородски аекосертификатқәа рыҭара ацеремониаан.
Раԥхьаӡа акәны Шәача ари аҩыза аԥхьахә анашьан 2018 шықәса рзы. Усҟан иалкаан ақалақьтә плиажқәа фба.
Рашәара 25 рзтәи адыррақәа рыла, акарантин аԥыхра ашьҭахь 30 000-ҩык атуристцәа аҭаахьеит. Аԥсшьаҩцәа рыдыркылоит 33 санаториеи 102 сасааирҭеи.
