АҞӘА, ԥхынгәы 22 - Sputnik. Аԥсны агәабзиарахьчара аминистр Ҭамаз Ҵахнакьиа еиҭеиҳәеит ҿыц авирус зауз ауаа ирныруаз ахаҿқәа шьақәдыргылеит, урҭ рҟынтә акоронавирус азы анализқәа гоуп ҳәа, урҭ рҭакқәа ҟалоит аԥшьаша ахәылбыҽх,а ма ахәаша ашьыжь.
© Sputnik
Иара убасгьы иҳәеит акоронавирус зыдбалоу ҳтәылауаҩ иҭагылазаашьа бааԥсым ҳәа. Аҩбатәи ачымазаҩ, Ермантәыла атәылауаҩ Шәача дыҟоуп.
Аԥсны аҽа ҩыџьа акоронавирустә инфекциа рцәа иалоуп ҳәа адырра ҟалеит ԥхынгәы 22 рзы, руаӡәк, Ермантәыла атәылауаҩ, аамҭала Аԥсны дааны дыҟан, егьи, Аԥсны иатәылауаҩу, Аҟәатәи ақалақьтә хәышәтәырҭаҿы дышьҭан.
Иара убас шәаԥхьар ҟалоит:
- Авирус зыдбалоу Ермантәыла атәылауаҩ ҩымчыбжь раԥхьа ахәышәтәырҭахь днанагеит
-
Аԥсны иҟоу акоронавирус хҭыс ҿыцқәа рзы аепидемиологиатә ҭҵаара мҩаԥысуеит
