Аԥсны Ауаажәларратә палата аҳәааҿы иҟоу аԥкырақәа ирыдгылоит

© Sputnik / Акоп Кущян Тепловизор на границе Псоу
Тепловизор на границе Псоу  - Sputnik Аҧсны
Анапаҵаҩра
Аҳәынҭқарратә ҳәаа аартразы Аԥсны Ауаажәларратә палата ахаҭарнакцәа ргәаанагара нарышьҭит Аԥсны ахада Аслан Бжьаниа иахь.

АҞӘА, ԥхынгәы 23 - Sputnik. Аԥсны Ауаажәларратә палата аҳәааҿы иахьазы иҟоу аԥкырақәа ирыдгылоит. Абри атәы аҳәоит Аԥсны Ауаажәларратә палата Аԥсны ахада Аслан Бжьаниа иахь инарышьҭыз ашәҟәы.

"Ауаажәларратә палата Ахеилак ҳтәылауаа, атуризм аусхк знапы алаку рҭахрақәа шеилнакаауагьы иҳаԥну аҳәынҭқаррақәеи Краснодартәи атәылаҿацәи рҟны иҟоу аҭагылазаашьеи ҳгәабзиарахьчара аусҳәарҭақәа рылшарақәеи азыԥхьагәаҭо аԥкыратә режим аҿҳәара иацҵатәны иаԥхьаӡоит ҳауаажәлар ргәабзиареи ршәарҭадареи реиқәырхаразы", - аҳәоит Ауаажәларратә палата ааԥхьара атекст.

Уаанӡа ҳтәыла ачымазара аламырҵәаразы ирыдкылаз ауснагӡатәқәа Ауаажәларратә палата ихымԥадатәин ҳәа иашьоит.

Аслан Бжьаниа иусдҵала Аԥсни Урыстәылеи рҳәааҿ аԥкырақәа ԥхынгәы 28 рҟынӡа инахоуп.

Аԥсны аҽа ҩыџьа акоронавирустә инфекциа рцәа иалоуп ҳәа адырра ҟалеит ԥхынгәы 22 рзы, руаӡәк, Ермантәыла атәылауаҩ, аԥарарҳаразы Аԥсны дааны дыҟан, егьи, Аԥсны иатәылауаҩу, Аҟәатәи ақалақьтә хәышәтәырҭаҿы дышьҭан.

Акоронавирус иазку егьырҭ ажәабжьқәа шәрыԥхьар ҟалоит абра>>

Ажәабжьқәа зегьы
0